U Pinsku siońnia adbyłasia ŭračystaja cyrymonija spusku na vadu pieršaha ŭ Biełarusi kruiznaha ciepłachoda «Biełaja Ruś», pieradaje BIEŁTA.
«Heta pieršaje sudna takoha pryznačeńnia. Padobnaha niama ŭ inšych rehijonach Biełarusi. Jość novyja pasažyrskija ciepłachody ŭ Viciebsku, Mahilovie, na Aŭhustoŭskim kanale, ale jany nie majuć takoha naboru pasłuh, jak «Biełaja Ruś», i nie raźličany na arhanizacyju praciahłych turaŭ», — adznačyŭ načalnik upraŭleńnia marskoha i račnoha transpartu Ministerstva transpartu i kamunikacyj Andrej Čarnobylec. Jon dadaŭ, što ideja stvareńnia kruiznaha ciepłachoda nakiravanaja ŭ pieršuju čarhu na raźvićcio ŭjaznoha turyzmu, a taksama na pryciahnieńnie ŭ hety siektar ekanomiki biznesu.
Stvareńnie «Biełaj Rusi» pačałosia ŭ 2011 hodzie. U pasažyrski ciepłachod było pieraabstalavanaje techničnaje sudna. Jaho rekanstrukcyja viałasia pa prahramie raźvićcia Prypiackaha Paleśsia. Finansavańnie ažyćciaŭlałasia za košt inavacyjnaha fondu Ministerstva transpartu i kamunikacyj, ułasnyja srodki ŭ prajekt ŭkładała i RUEBP «Dniepra-Buhski vodny šlach».
Na borcie ciepłachoda ŭ kruiznym varyjancie mohuć znachodzicca 27 pasažyraŭ, jość mahčymaść arhanizacyi vaśmi dadatkovych miescaŭ. «Padčas kruizu z Bresta ŭ Mazyr praduhledžana dziesiać prypynkaŭ. Turysty zmohuć paznajomicca z etnahrafičnym i kulturnym składnikam rehijonu, naviedać vytvorčyja pradpryjemstvy. My chočam pakazać haściam naturalnuju Biełaruś, kab jany pabačyli naša sapraŭdnaje žyćcio. I paviercie, u nas jość što pakazać», — padkreśliŭ namieśnik hienieralnaha dyrektara pa ekanomicy «Dniepra-Buhskaha vodnaha šlachu» Siarhiej Zubko.
Pieršy rejs z pasažyrami na borcie namiečany na 29 krasavika. Da hetaha času ciepłachod vykanaje probny rejs. Buduć praviedzienyja jaho techničnyja vyprabavańni, a taksama adpracavanaje ŭzajemadziejańnie kamandy.
Jak paviedamlaje Tut.bu, pieršaadkryvalnikami biełaruskaha račnoha kruizu stanuć rasijanie. Na borcie jany praviaduć 8 dzion i 7 načej pa sistemie «ŭsio ŭklučana» (u tym liku ałkahol biełaruskaj vytvorčaści). Samy biudžetny varyjant pucioŭki na adnaho čałavieka ŭ lipieni-žniŭni — 350 dalaraŭ, samy darahi luks kaštuje 2316 dalaraŭ. Pry hetym pałovu kvitkoŭ na ŭvieś siezon užo raskupili.
Praciahłaść kruizu 523 kiłamietry. Iści ciepłachod budzie nočču, a dniom dla turystaŭ praduhledžanaja kulturnaja prahrama. U śpisie zabaŭ: naviedvańnie muziejaŭ, ekskursii, zialonyja stajanki z łaźniaj i barbiekiu, kupańnie, prahułki, rybałka.
-
Były chakieist zbornaj raskazaŭ, chto zarablaje na biestsielery jaho pamierłaj žonki Nadziei Mialeški
-
Čamu naradžalnaść padaje značna bolš imkliva, čym čakałasia? Analiz danych vyjaviŭ niečakanuju pryčynu
-
U Hrodnie kačka vyvieła kačaniat na čaćviortym paviersie adnaho z damoŭ. Vyšynia akazałasia praźmiernaj
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary