Rečyva sa ślizi indyjskaj žaby moža zabivać niekatoryja štamy hrypu, vyśvietlili navukoŭcy. Hetaje adkryćcio moža dapamahčy ŭ baraćbie z epidemijami hetaha zachvorvańnia, piša VVS.
RA
Pavodle daśledavańnia, vyniki jakoha byli apublikavanyja ŭ časopisie Immunity, navukoŭcy sabrali skurnyja vydzialeńni indyjskaj žaby Hydrophylax bahuvistara paśla ŭmieranaha ŭździejańnia elektrašoku.
Jany praanalizavali ŭździejańnie 32 pieptydaŭ z vydzialeńniaŭ žaby na roznyja štamy hrypu i vyjavili, što čatyry ź ich mohuć zmahacca ź virusam.
U chodzie testaŭ na čałaviečych kryvianych kletkach navukoŭcy vyłučyli rečyva «urumin», zdolnaje zabivać virus hrypu, nie paškodžvajučy erytracyty.
Pieptyd źniščaŭ virus hrypu, uździejničajučy na admysłovy białok, jaki ŭtrymlivajecca ŭ mnohich štamach hrypu.
Paviedamlajecca, što daśledčyki ŭžo pravieryli ŭździejańnie preparataŭ na myšach.
Pry vakcynacyi uruminam myšy zmahli vyžyć paśla ŭviadzieńnia śmiarotnaj dozy virusa hrypu H1, jaki staŭ krynicaj pandemii ŭ 2009 hodzie.
Ciapier navukoŭcy razhladajuć mahčymaść stvareńnia lekaŭ z vyjaŭlenaha pieptyda, a taksama vyśviatlajuć, ci mohuć pieptydy sa ślizi žab zabivać inšyja virusy, u tym liku lichamanku Zika.
