Hurt Naviband, jaki sioleta budzie pradstaŭlać Biełaruś na «Jeŭrabačańni», prezientavaŭ proma-pradukcyju, ź jakoj buduć znajomić delehacyju, žurnalistaŭ i ŭsich achvotnych.
Aŭtaram proma vystupiŭ pijar-mieniedžer Siarhiej Andryjanaŭ, afarmleńniem zajmałasia dyzajnierka Maryna Lis.
Mienavita tak budzie vyhladać prezientacyjny buklet hurtu:
Pierakład pieśni «Historyja majho žyćcia» na anhlijskuju movu.
Takim čynam hurt vyrašyŭ adznačyć važnyja padziei historyi Biełarusi. Siarod inšaha vyłučanaje abviaščeńnie BNR.
Akramia hetaha, Naviband padrychtavali 100 mietraŭ stužak i 700 značkaŭ z nacyjanalnym arnamientam, jakija buduć razdavacca ŭ Kijevie.
Takim čynam Naviband chočuć jak maha bolš raspavieści pra biełaruskuju kulturu i movu.
Sam hurt svajo rašeńnie ab mienavita takim buklecie kamientuje tak: «Kartu stanaŭleńnia biełaruskaj dziaržaŭnaści rabili śpiecyjalna dla taho, kab padkreślić u pramym sensie dla Jeŭropy naša stanovišča na karcie Jeŭropy. My jeŭrapiejskaja nacyja sa svajoj kulturaj i historyjaj».
Nahadajem, u 2013 hodzie tahačasnaja pradstaŭnica Biełarusi na «Jeŭrabačańni» Alena Łanskaja ŭ jakaści proma-pradukcyi prezientavała 1000 butelek harełki i nastojki sa svajoj vyjavaj. Tady historyja skončyłasia na miažy: furu z ałkaholem raźviarnuli, bo arhanizatary pavinny byli zapłacić mytnyja pošliny. Jašče raniej, u 2010 hodzie, hurt «3+2» vioz na konkurs bolš za 100 kh ziefiru — jaho, u adroźnieńnie ad ałkaholu, praź miažu prapuścili.
Jak vam proma-pradukcyja Naviband? Što b vy dadali? Abmiarkoŭvajcie!