«Zakinuty horad Z»: u minskim kinaprakacie startuje film pra pošuki Eldarada
Siońnia my pahavorym pra film, jaki dabiarecca da našaha kinaprakatu na nastupnym tydni. Z adnaho boku heta pryhodnickaja stužka pra pošuki Eldarada ŭ basiejnie Amazonki, ź inšaha film prapanuje parazvažać na hłybokija fiłasofskija temy.
Na premjeru «Zakinutaha horada Z» u Łas-Anžełasie pryjšoŭ Bred Pit, jaki byŭ tut vykanaŭčym pradziusaram. Žurnalisty zadavali jamu šmat pytańniaŭ, ale Pit pakinuŭ ich biez adkazaŭ. Apošnim časam jon vychodzić u ludzi nadta redka.
Płanavali, što hałoŭnuju rolu vykanaje Benedykt Kamberbetč. Ale, urešcie, na hetaje miesca trapiŭ Čarli Chanem:
«Majho piersanaža kličuć Piersi Foset. Jon byŭ daśledčykam Karaleŭskaha hieahrafičnaha tavarystva, žyŭ u XIX — u pačatku XX stahodździa, byŭ hierojem toj epochi. Miarkuju, jon natchniŭ stvaralnikaŭ vobraza Indyjany Džonsa. Livinhston daśledavaŭ tady Afryku, Šekłtan — polus, a Foset — Amazoniju».
Pa sutnaści «Zakinuty horad Z» hruntujecca na faktach z historyi. Ale taksama razvažaje na temu tajamničaha źniknieńnia daśledčyka. Ci adšukaŭ jon Eldarada? Ci zahinuŭ? Ci zastaŭsia ŭ džunhlach u indziejskim plemieni?
«Zakinuty horad Z» — mastacki film z šeraham vydatnych aktoraŭ. Adnych hledačoŭ pryvabić padarožža, inšych — aktorski skład. Demanstracyja filma ŭ biełaruskim prakacie raspačniecca z 27 krasavika.
Kamientary