Kiraŭnik kampanij Tesla i SpaceX Iłan Mask prademanstravaŭ prajekt chutkasnaj padziemnaj darohi, pieradajuć infarmahienctvy. Alternatyŭny šlach budzie pralahać pad Łos-Andželesam.
Bureńniem zojmiecca jašče adna kampanija, jakaja naležyć miljarderu — The Boring Company. Niadaŭna ŭ siecivie źjavilisia fota ŭstanoŭki, jakaja budzie vykarystoŭvacca dla prakładki padziemnaha maršrutu.
Płanujecca, što kiroŭcy buduć padjazdžać da śpiecyjalnaj płatformy, jakaja apuskajecca pad ziamlu. Zatym aŭtamabili transpartujuć u patrebny im punkt pad ziamloj, u abychod zatoraŭ. «Žołaby» dla transparciroŭki buduć raźmieščanyja na roznych uzroŭniach, što dazvolić chutka dastavić usich achvotnych da punkta pryznačeńnia.
Płatforma zmoža razhaniacca da 200 km/h. Padarožža z centra Łos-Andželesa ŭ Viestvud (rajon dziełavych kvartałaŭ i ŭniviersitetaŭ) zojmie ŭsiaho piać chvilin. Da pracy nad prajektam prystupili ŭ tym liku i inžyniery Tesla. Pa słovach Maska, im davodzicca pracavać va ŭmovach cejtnotu.
Pakul hatovy probny ŭčastak tunela, raźmieščany na hłybini 4,5 m, daŭžynioj 15 i šyrynioj 9 mietraŭ.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary