Instahramy papularnych biełarusak, na jakija varta padpisacca ŭsim, chto haduje dzicia
Knižki, adzieńnie, adpačynak, psichałohija i nie tolki…
Hetyja žančyny pracujuć i realizoŭvajucca ŭ samych raznastajnych śfierach — muzyka, sport, dyzajn, charčavańnie… I naradžeńnie dziaciej nie tolki nie spyniła ich aktyŭnaść — naadvarot, pryŭniesła ŭ žyćcio dadatkovy šturšok.
U svaich instahramach, jakija siońnia šmat kamu zamianiajuć tematyčnyja sajty, błohi i forumy, maładyja mamy dzielacca karysnymi paradami i viasiołymi vypadkami, jakija jašče raz dakazvajuć, što hałoŭnaja emocyja ad maciarynstva — heta radaść.
Dyzajnier i madiel Bažena Bahinskaja
Bažena Bahinskaja pracuje madellu i stvaraje pryhožyja žanočyja sumki, kašalki i zaplečniki, a taksama ŭpryhožvańni dla vałasoŭ. Jaje ŭłasny brend nazvany ŭ honar dački — Emy, jakaja ŭžo zaraz sprabuje siabie ŭ jakaści zorki fotasiesij, jak i mama. Ich siamja žyvie u Viciebsku, tamu hety profil budzie vielmi karysny usim miascovym žycharam: Bažena niaredka raskazvaje, dzie ŭ horadzie možna nabyć dobryja rečy dla małyšoŭ ci pravieści volny čas.
Śpiavačka Viera Karetnikava
Viera na prykładzie svajho syna Dabryni demanstruje, jak adpačyvać razam ź dziećmi za miažoj i zaŭsiody stavicca da ich jak da sapraŭdnych siabroŭ i partnioraŭ. Asobnaja tema pryśviečana spartyŭnym treniroŭkam, kab padtrymlivać siabie ŭ formie: paśla rodaŭ Viera vielmi chutka skinuła 20 kh i zaraz dzielicca ŭłasnym dośviedam z usimi achvotnymi.
Śpiavačka Łarysa Hrybalova
Jašče adna zorka biełaruskaj estrady Łarysa Hrybalova nie tolki paśpiavaje sačyć za tryma rodnymi dziećmi, ale i sama arhanizoŭvaje prajekt «SupierMama» dla šmatdzietnych siamiej. Łarysa ličyć, što mienavita dziakujučy dzieciam, žančyny adčuvajuć siabie maładziejšymi. Tak, treciuju dziaŭčynku jana naradziła ŭ 42 hady i adčuvaje siabie cudoŭna.
Mastačka Alisa Rubik
Instahram Alisy Rubik dla tych baćkoŭ, što z malenstva hadujuć budučych rokieraŭ. Jaje dačka Kira — heta i muzykant, i supierhierainia, i prosta modnica. Karaciej, tym, chto cikavicca tendencyjami ŭ śviecie dziciačaj mody, raim padpisacca. Akramia hetaha, Alisa jašče viadzie jutub-kanał pra padarožžy.
Fešn-błohier Taćciana Ščarbakova
Niasłabuju kankurencyju u spravie hałoŭnych modnikaŭ papiaredniamu duetu składzie Paša — syn fešn-błohiera Taćciany Ščarbakovaj. Kali maci tak uvažliva sočyć za dyzajnierami i suśvietnymi trendami, było b dziŭna, kali b jaje dzicia vyhladała nieachajna. Usim, chto cikavicca modaj, a taksama bahatym na padziei žyćciom — rekamiendujecca.
Viełahonščyca Natalla Cylinskaja
Profil Natalli Cylinskaj — šmatrazovaj čempijonki śvietu pa viełasporcie — heta sapraŭdnaja skarbnica, pierapoŭnienaja luboŭju da svaich dziaciej. A ŭ jaje ich, darečy, čaćviora. Jany usioj siamjoj zaŭziejuć za chakiejny kłub «Dynama», hatujuć smačnyja stravy i vyhulvajuć troch katoŭ i sabaku. Jak im žyviecca razam — pahladzicie sami.
Palina Maślankova
Vielmi karysny profil dla tych, chto nie viedaje, jakija knižki lepiej čytać dzieciam pierad snom. Palina Maślankova pastajanna dzielicca biełaruskamoŭnymi aŭtarami i raić tolki pravieranyja varyjanty.
Aŭtar cacak Taka Cichanava
Taka Cichanava — stvaralnica i aŭtar cacak brenda «Taka Zaka Toys». Taksama jana šyje nabory dla novanarodžanych, maluje prynty dla adzieńnia i paralelna vychoŭvaje dvuch chłopčykaŭ i dźviuch dziaŭčynak. Raźlitaje ciesta dla blinoŭ, viečnyja pravodziny ŭ škołu i na treniroŭki — heta tolki adzin bok pryhod maładoj mamy, za jakimi vielmi cikava nazirać.
A padpisacca na instahram Našaj Nivy možna tut.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary