Facebook dadatkova najmaje 3000 čałaviek, kab adsočvać kantent z elemientami hvałtu
Kiraŭnik Facebook Mark Cukierbierh zajaviŭ, što sacyjalnaja sietka značna pavialičyć kolkaść maderataraŭ, kab adsočvać terarystyčnyja materyjały, videa z zabojstvami, hvałtam, dziciačaj ekspłuatacyjaj i movaj varožaści.
Cukierbierh rastłumačyŭ, što rašeńnie naniać dadatkova 3000 čałaviek vyklikana nieadnarazovymi vypadkami publikacyj videa samahubstvaŭ i hvałtu nad inšymi ludźmi. Naprykład, na minułym tydni žychar Tajłanda ŭ žyvym efiry zabivaŭ svaju dačku, i heta videa paśpieli pahladzieć 370 tysiač čałaviek, pakul jaho nie vydalili tolki praz 24 hadziny.
Cukierbierh miarkuje, što kampanija pavinna chutčej reahavać na hetyja vypadki: chutka vydalać padobny kantent, dapamahać achviaram hvałtu i patencyjnym samahubcam.
Kiraŭnik Facebook adznačyŭ, što sacsietka sprościć adpraŭleńnie skarhaŭ na videa i budzie bolš ščylna supracoŭničać z pravaachoŭnymi orhanami.
«Kali my chočam pabudavać biaśpiečnaje hramadstva, nam nieabchodna dziejničać chutka», — napisaŭ Cukierbierh.
U kancy krasavika maderatary atrymali paviedamleńnie, što adzin z karystalnikaŭ u žyvoj tranślacyi zajaviŭ pra namier skončyć žyćcio samahubstvam — paśla hetaha supracoŭniki sacsietki źviazalisia z palicyjaj i dapamahli praduchilić suicyd.
«My budziem i dalej pracavać ź miascovymi hramadskimi supołkami i pravaachoŭnymi orhanami, u jakich bolš mahčymaściej dapamahčy tym, chto ŭ hetym maje patrebu — naprykład, u tych vypadkach, kali niechta źbirajecca naškodzić sabie albo znachodzicca ŭ niebiaśpiecy ad dziejańniaŭ inšych ludziej», — paviedamiŭ Mark Cukierbierh.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary