Prezident Polščy prapanavaŭ u nastupnym hodzie pravieści refierendum pa źmienach u Kanstytucyju
Prezident Polščy Andžej Duda ličyć, što ŭ nastupnym hodzie nieabchodna pravieści nacyjanalny refierendum pa pytańni źmieny kanstytucyi.
Kiraŭnik polskaj dziaržavy zajaviŭ pra heta padčas svajho vystupu na Zamkavaj płoščy ŭ Varšavie z nahody nacyjanalnaha śviata 3 Maja.
«Ja liču, što ŭ 2018 hodzie, u hod stahodździa zdabyćcia Polščaj niezaležnaści, polski narod pavinien vykazać svajo mierkavańnie z nahody budučaha dziaržaŭnaha ładu Polščy. Narod pavinien skazać, jakuju rolu, na jaho dumku, pavinien hrać prezident, Sienat, Siejm, na jakich hramadzianskich pravach i svabodach pavinny być zroblenyja akcenty», — skazaŭ Andžej Duda, dadaŭšy, što debaty na hetuju temu pavinny prachodzić nie tolki z udziełam elitaŭ, ale i z udziełam naroda.
Da taho, što asnoŭny zakon Polščy pavinien źviedać źmieny, schilajucca palityki kirujučaj partyi «Prava i spraviadlivaść», a taksama ruchu «Kukiz'15».
Ideju prezidenta nie padtrymlivaje partyja «Hramadzianskaja płatforma», jakaja ličyć, što ŭ Polščy niama prastory dla dyskusii pra źmieny ŭ kanstytucyi, bo — jak adznačajuć pradstaŭniki partyi — parłamienckaja bolšaść u Siejmie parušaje kanstytucyju štodnia.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary