Pra heta Alaksandr Łukašenka zajaviŭ siońnia na sustrečy z pradstaŭnikami kitajskich centralnych i rehijanalnych srodkaŭ masavaj infarmacyi — udzielnikami pres-tura ŭ Biełaruś, pieradaje karespandent BiełTA.
«Suśvietnaja ekanomika i palityka stali, na žal, niepradkazalnymi. Ale nasupierak suśvietnym vyklikam Biełaruś i Kitaj stvaryli mahutnyja, tryvałyja i nadziejnyja miždziaržaŭnyja suviazi — adnosiny daviernaha ŭsiebakovaha stratehičnaha partniorstva i ŭzajemavyhadnaha supracoŭnictva, — skazaŭ Alaksandr Łukašenka. — Mabyć, nie znojdziecca ŭ Jeŭropie bolš blizkaj Kitaju krainy, čym Biełaruś».
Kiraŭnik dziaržavy źviarnuŭ uvahu, što staršynia Pastajannaha kamiteta Usiekitajskaha schodu narodnych pradstaŭnikoŭ Čžan Deczian, naviedvajučy niadaŭna Biełaruś, nazvaŭ krainy žaleznymi bratami. «I sapraŭdy, siońnia naša siabroŭstva, jakoje doŭžycca čverć stahodździa, a karaniami sychodzić u bolš daŭniuju historyju, my nazyvajem niezaležnaj ad nadvorja, — adznačyŭ Łukašenka. — My dasiahnuli značnych vynikaŭ i ŭ palitycy, padtrymlivajučy adzin adnaho ŭ mižnarodnych arhanizacyjach i ŭ ekanomicy».
Biełaruś i Kitaj užo realizavali dziesiatki inviestycyjnych prajektaŭ u enierhietycy i budaŭnictvie, ciapier sumiesna stvarajuć industryjalny park. U humanitarnaj śfiery idzie abmien studentami, raźvivajecca supracoŭnictva ŭ halinie navuki i turyzmu. «Tym nie mienš liču, što ŭzajemadziejańnie pamiž Biełaruśsiu i Kitajem pavinna być jašče bolš maštabnym i dynamičnym. Mienavita tamu hety hod my aceńvajem jak pierałomny ŭ dvuchbakovych adnosinach», — padkreśliŭ biełaruski lidar.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary