Kałumnist «Sovietskoj Biełoruśsii», jaki brudna vykazvaŭsia pra «spravu patryjotaŭ», atrymaŭ premiju «za hramadzianskuju pazicyju žurnalista»
Praŭładny Biełarucki sajuz žurnalistaŭ nazvaŭ łaŭreataŭ konkursu «Załatoje piaro». Adznačajecca, što ŭ naminacyi «Za hramadzianskuju pazicyju žurnalista» pieramahli ahladalnik «Sovietskoj Biełoruśsii» Andrej Mukavozčyk i viadučaja BT Viktoryja Siankievič.
Mukavozčyk — zasnavalnik biełaruskaha Kłuba viasiołych i znachodlivych. Niadaŭna jon brudna vykazvaŭsia pra «spravu patryjotaŭ», pierad tym — pra Kanhres daśledčykaŭ Biełarusi.
«Dla siabie ja razvažaju tak: u kožnaha čałavieka jość pazicyja pa vielmi prostych pytańniach - ci šlopać dzicia, ci śmiecić u padjeździe, ci parušać praviły darožnaha ruchu, kali hetaha nichto nie bačyć. Čym starejšym rablusia, tym bolš razumieju: svaju pazicyju pa vielmi mnohich rečach treba mieć, albo ciabie buduć stavić u niejkuju pazicyju inšyja. Pa žyćci zaŭsiody treba vyznačać, dzie ty, na čyim baku, pravilna rabić — tak ci inakš. Heta žyćciovaja pazicyja. Mahčyma, u hramadzianskuju jana pierachodzić tady, kali da jaje dadajecca jašče i luboŭ da svajoj krainy z žadańniem joj tolki dabra», — patłumačyŭ Mukavozčyk.
Andrej Mukavozčyk źleva.
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary