Abvinavačvańnie paprosić prysudzić Janukoviča da pažyćciovaha źniavoleńnia za dziaržzdradu
Na sudzie pa spravie ab dziaržzdradzie suprać byłoha prezidenta Ukrainy Viktara Janukoviča bok abvinavačańnia budzie damahacca pažyćciovaha terminu źniavoleńnia. Pra heta abviaściŭ prakuror Viktar Kraŭčanka paśla pieršaha, papiaredniaha sudovaha pasiedžańnia 4 maja.
Kraŭčanka rastłumačyŭ, što pažyćciovaje pazbaŭleńnie voli — najvyšejšaja stupień pakarańnia pa artykule ab dziaržzdradzie. Taki termin abvinavačvańnie maje namier paprasić u suviazi z tym, što Janukovič, što źbieh u Rasiju, nie pryznaŭ svaju vinu.
Na papiarednim pasiadžeńni sud dazvoliŭ Janukoviču ŭdzielničać u pracesie pa videasuviazi. Nastupnaje pasiadžeńnie Abałonskaha rajonnaha suda Kijeva pa spravie Janukoviča zapłanavana na 18 maja.
***
Spravu ab dziaržzdradzie suprać Viktara Janukoviča zaviali ŭ 2014 hodzie, kali jon na fonie masavych pratestaŭ vyjechaŭ z Ukrainy ŭ Rasiju. Adnym z hałoŭnych dokazaŭ boku abvinavačańnia stała zajava, u jakoj Janukovič prosić rasijskaha prezydenta Uładzimira Pucina ŭvieści va Ukrainu vojski.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary