Ministr unutranych spraŭ Biełarusi Ihar Šunievič prakamientavaŭ BIEŁTA situacyju ŭ Kryčaŭskim RAUS.
«Ministerstvam unutranych spraŭ Biełarusi skončana słužbovaja pravierka. U vyniku nami ŭstanoŭlena parušeńnie dyscypliny i viedamasnych narmatyŭnych aktaŭ jak z boku kiraŭnika rajadździeła, tak i z boku skaržnika, jaki źjaŭlajecca fihurantam hetaj pravierki, — prainfarmavaŭ ministr. — U vyniku abodva pryciahnuty da dyscyplinarnaj adkaznaści».
Akramia taho, pryznačanaja jašče adna słužbovaja pravierka pa fakcie raspaŭsiudžvańnia infarmacyi ŭ ŚMI z parušeńniami patrabavańniaŭ unutranych narmatyŭna-pravavych aktaŭ MUS.
Z ulikam najaŭnaści ŭ skaržnika dziejučaha dyscyplinarnaha spahnańnia, jon moža być zvolnieny z orhanaŭ unutranych spraŭ za dyskredytacyju milicyi, kali pa vynikach pravierki budzie dakazanaja jaho vina.
«Sama situacyja ŭziataja na kantrol, materyjały pieršaj pravierki vydzieleny ŭ asobnuju vytvorčaść i nakiravanyja ŭ padraździaleńnie Śledčaha kamiteta dla dačy pravavoj acenki», - adznačyŭ Ihar Šunievič.
Pavodle jaho słoŭ, ahulny maralna-psichałahičny klimat u Kryčaŭskim RAUS dosyć spakojny, uraŭnavažany i rabočy. «Situacyja łakalizavanaja», - reziumavaŭ ministr.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary