Stvorana premija Mižnarodnaha kanhresa daśledčykaŭ Biełarusi za najlepšuju studenckuju pracu
Mižnarodny kanhres daśledčykaŭ Biełarusi, Jeŭrapiejski humanitarny univiersitet i Biełaruski kalehium abviaščaje konkurs na najlepšuju studenckuju pracu, abaronienuju ŭ 2014/2015 i 2015/2016 pa biełaruskaj tematycy. Premija maje na mecie adznačyć dasiahnieńni biełaruskich studentaŭ u sacyjalnych i humanitarnych navukach, padtrymać ich tvorčuju i navukovuju pracu, a taksama paspryjać palapšeńniu jakaści studenckich piśmovych pracaŭ.
Zaklikajem aŭtaraŭ, a taksama ich navukovych kiraŭnikoŭ naminavać najlepšyja studenckija pracy i, takim čynam, paspryjać vyznačeńniu najlepšych studenckich dasiahnieńniaŭ u sacyjalnych i humanitarnych navukach.
Premija budzie nadadzienaja ŭ troch naminacyjach: najlepšaja mahistarskaja praca, najlepšaja bakałaŭrskaja praca, najlepšaja tvorčaja praca. Naminavać možna lubuju pracu, abaronienuju ŭ biełaruskaj VNU ci ŭ Jeŭrapiejskich humanitarnym univiersitecie.
Dla hetaha aŭtaram treba dasłać na adras [email protected] pracu i dadatkovuju infarmacyju. Detalovaje apisańnie praviłaŭ i patrabavańniaŭ hladzicie tut.
Prapanovy prymajucca da 20 maja 2017 hoda. Premija praduhledžvaje finansavuju ŭznaharodu. Uračystaje ŭručeńnie premii adbudziecca na Siomym Mižnarodnym Kanhresie daśledčykaŭ Biełarusi, jaki projdzie 15—17 vieraśnia 2017 hoda.
Rašeńnie pra nadańnie premii prymajecca na asnovie zaklučeńnia ekśpiertnaj rady, jakaja składajecca z pradstaŭnikoŭ akademičnaj supolnaści Biełarusi i inšych krain, na asnovie ananimnaha hałasavańnia.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary