SpaceX dašle ŭ kosmas bolš za 4 tysiačy spadarožnikaŭ, kab razdavać internet
Kampanija Iłana Maska płanuje pačać zapusk spadarožnikaŭ na arbitu ŭ 2019 hodzie, kab zabiaśpiečyć Ziamlu chutkasnym internetam, paviedamlaje CNBC.
Pra płany SpaceX pa zapusku internet-spadarožnikaŭ stała viadoma letaś u listapadzie, a zaraz kampanija Iłana Maska paviedamiła pra kankretnyja daty. Pieršyja testy pačnucca ŭžo sioleta — SpaceX zapuścić pratatyp spadarožnika da kanca 2017 hoda. U pieršyja miesiacy 2018 hoda kampanija zapuścić jašče niekalki pratatypaŭ, a ŭ 2019 hodzie SpaceX pačnie zapusk kančatkovaj viersii spadarožnikaŭ. Płanujecca, što z 2019 pa 2024 hod budzie dasłana 4425 spadarožnikaŭ.
Kampanija Iłana Maska raspracavała technałohiju, jakaja dazvalaje rakietam uźlatać, dasyłać hruzy i pryziamlacca dla paŭtornaha vykarystańnia. Sioleta ŭ krasaviku SpaceX upieršyniu adpraviŭ u kosmas rakietu Falcon 9, jakaja raniej była va ŭžytku, i dasłaŭ ź jaje dapamohaj na arbitu spadarožnik suviazi. Pryvatnaja kaśmičnaja kampanija płanuje, što spadarožniki dla razdačy internetu buduć dasyłacca na arbitu z dapamohaj takich šmatrazovych rakiet, što značna skarocić vydatki. Čakajecca, što 4425 spadarožnikaŭ buduć znachodzicca na vyšyni ad 1110 da 1325 kiłamietraŭ.
U pieršuju čarhu sistema spadarožnikaŭ budzie karysnaja dla žycharoŭ addalenych i małanasielenych rajonaŭ, dzie tradycyjnyja linii suviazi darahija. Praŭda, dla funkcyjanavańnia takoj sistemy patrabujecca i peŭnaja infrastruktura na pavierchni Ziamli, kab raźmiarkoŭvać resursy sistemy ŭ realnym časie i źmienšyć pieraškody.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary