Zołatavalutnyja reziervy Biełarusi ŭ vyznačeńni SSRD MVF na 1 maja 2017 h., pa papiarednich źviestkach, skłali 5 108,7 młn. dołaraŭ ZŠA (u ekvivalencie).
Za krasavik 2017 h. zołatavalutnyja reziervy ŭzraśli na 92,6 młn. dołaraŭ ZŠA (na 1,8 pracenta) paśla źnižeńnia ŭ sakaviku na 6,2 młn. dołaraŭ ZŠA (na 0,1 pracenta). Z pačatku 2017 hoda rezervy pavialičylisia na 181,5 młn. dołaraŭ ZŠA (na 3,7 pracenta).
U nacyjanalnym vyznačeńni abjom zołatavalutnych reziervaŭ na 1 maja 2017 h. skłaŭ 5 672,5 młn. dołaraŭ ZŠA, pavialičyŭšysia za krasavik na 263,4 młn. dołaraŭ ZŠA (na 4,9 pracenta) paśla źnižeńnia ŭ sakaviku na 199,3 młn. dołaraŭ ZŠA (na 3,6 pracenta). Za studzień — krasavik 2017 hoda reziervy ŭ nacyjanalnym vyznačeńni vyraśli na 487,5 młn. dołaraŭ ZŠA (na 9,4 pracenta).
Pavieličeńniu zołatavalutnych reziervaŭ u krasaviku spryjali pastupleńnie treciaha tranšu finansavaha kredytu Jeŭrazijskaha fondu stabilizacyi i raźvićcia, kupla Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža», pryciahnieńnie srodkaŭ ad prodažu Ministerstvam finansaŭ i Nacyjanalnym bankam Respubliki Biełaruś ablihacyj, naminavanych u zamiežnaj valucie, pastupleńni ad źbirańnia ekspartnych pošlin na naftu i naftapradukty, a taksama rost cany zołata na mižnarodnym rynku kaštoŭnych mietałaŭ.
Strymlivajučy ŭpłyŭ na dynamiku reziervaŭ akazała płanavaje pahašeńnie Uradam i Nacyjanalnym bankam Respubliki Biełaruś źniešnich i ŭnutranych abaviazacielstvaŭ u zamiežnaj valucie.
U 2016 hodzie zołatavalutnyja reziervy Respubliki Biełaruś u vyznačeńni SSRD MVF pavialičylisia na 751,4 młn. dołaraŭ ZŠA (na 18,0 pracenta) da 4 927,2 młn. dołaraŭ ZŠA (u ekvivalencie) na 1 studzienia 2017 h. Asnoŭnymi napramkami hrašova-kredytnaj palityki na 2017 hod praduhledžany rost zołatavalutnych reziervaŭ u vyznačeńni SSRD MVF nie mienš čym na 500 młn. dołaraŭ ZŠA.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary