«Biełnaftachim» viadzie pieramovy pa dyviersifikacyi pastavak nafty. Pra heta zajaviŭ staršynia kancerna Ihar Lašenka u intervju haziecie «Respublika».
«Niadaŭnija roznahałośsi (z rasijskim bokam) prymusili nas uvažliva pryhledziecca da mahčymaści pastavak nafty ź inšych rehijonaŭ. Praces nie samy prosty i chutki: nieabchodna znajści partnioraŭ, praličyć łahistyku, roznyja varyjanty … Praciahvajem prapracoŭvać usie hetyja pytańni: nie na zło Rasii, ale dyviersifikacyja zaŭsiody źjaŭlajecca dadatkovaj paduškaj biaśpieki dla ekanamičnaj ustojlivaści luboj haliny», — adznačyŭ Ihar Lašenka.
Pry hetym jon nie staŭ nazyvać kankretnyja krainy i šlachi pastupleńnia alternatyŭnaj nafty:
«Pieramovy iduć, i ich źmiest źjaŭlajecca kamiercyjnaj tajamnicaj. Ale peŭnyja varyjanty prahladajucca».

Kamientary