U Vilenskim rajonie pamiežniki zatrymali troch žycharoŭ Vilenskaha i Trockaha rajonaŭ, jakija niezakonna trapili na terytoryju Biełarusi, tam praz płot im pieradali 1000 pačkaŭ cyharet, jakija jany mieli namier pranieści ŭ Litvu. Biełaruskija pamiežniki zatrymali dvuch padazravanych i na svaim baku, paviedamlaje delfi.lt.
3 maja pamiežniki Padvaronskaj zastavy zafiksavali parušeńnie miažy. U miežach vioski Bajary troje mužčyn pierajšli miažu Litvy i Biełarusi. U hetym miescy na litoŭskim baku jość bałacina. Parušalniki padyšli da płota na biełaruskim baku. Tam ź biełaruskaha boku im pieradali cyharety — dva karaby. Ź imi parušalniki viartalisia na terytoryju Litvy. Na miesca prybyli pamiežniki, kinołah z sabakam. U Miednickim lesie byŭ zatrymany 21-hadovy žychar Vilenskaha rajona.
Paźniej zatrymali jašče dvaich padazravanych — 23-hadovych žycharoŭ Vilenskaha i Trockaha rajonaŭ. Pobač ź imi, za pavalenaj jełkaj, pamiežniki znajšli i cyharety — 1000 pačak cyharet Fest ź biełaruskimi akcyznymi markami. U lesie pamiežniki vyjavili pusty Audi A6. Padazrajuć, što na im i pryjechali parušalniki miažy. Raspačataje rasśledavańnie pa fakcie niezakonnaha pierasiačeńnia miažy.
U dačynieńni da dźviuch asob, pobač ź jakimi byli znojdzienyja cyharety, viadziecca rasśledavańnie pa fakcie kantrabandy, im pahražaje štraf ad 2700 da 6000 jeŭra. 21-hadovy žychar Vilenskaha rajona atrymaŭ taksama štraf u pamiery 130 jeŭra za toje, što byŭ biez paśviedčańnia asoby ŭ pamiežnaj zonie.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary