U Breście 16-hadovy školnik u śniežni minułaha hoda paraniŭ ź pnieŭmatyčnaha hazabałonnaha pistaleta svajho 15-hadovaha pryjaciela ŭ pravaje voka, kali jany z kampanijaj pryjacielaŭ adpravilisia ŭ les pastralać pa słoikach, paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova.
Adbyłosia heta ŭ lesapałasie pablizu haražnaha masivu pa vuł. Hrodzienskaj. Viadoma, što dniom 16 śniežnia 2016 hoda kampanija ź piaci maładych ludziej pryjšła ŭ lesapałasu, kab pastralać ź pnieŭmatyčnaj zbroi pa słoikach. Pa słovach paciarpiełaha, u niejki momant padazravany pačaŭ celicca jamu ŭ tvar. Jon ihnaravaŭ nieadnarazovyja prośby prybrać pistalet, paśla čaho metanakiravana nacisnuŭ na spuskavy miechanizm.
Traŭma pryviała da poŭnaj straty zroku na pravaje voka, i, zhodna z zaklučeńniem sudova-miedycynskaj ekśpiertyzy, adniesiena da katehoryi ciažkich cialesnych paškodžańniaŭ.
Pistalet naležaŭ baćku adnaho z maładych ludziej.
U dačynieńni da 16-hadovaha padletka zaviedziena kryminalnaja sprava pa č.1 art. 147 (naŭmysnaje pryčynieńnie ciažkaha cialesnaha paškodžańnia). Sankcyja hetaha artykuła praduhledžvaje pakarańnie ŭ vyhladzie pazbaŭleńnia voli na 8 hadoŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary