U susiednim błohu Aleh Miadźviedzieŭ raspavioŭ pra zajavu rasiejskaha ambasadara ŭ Miensku Alaksandra Surykava.
Adzinaje, čaho tam nie chapaje, – heta praciahu cytaty. Ambasadar Surykaŭ nahadaŭ biełarusam, što ŭ vypadku «źjaŭleńnia niepryjemnaściaŭ u Biełarusi my vašaje hora zaŭždy padzialajem u mižnarodnych arhanizacyjach».
«A my-to vsiehda razdielajem vašie horie v mieždunarodnych orhanizacijach, v tom čiśle, kohda vvodiatsia ekonomičieskije sankcii, kohda mieždunarodnyje orhanizacii po iniciativie niekotorych stran načinajut obsuždať otsutstvije prav čiełovieka v Biełarusi. Za etim vsiehda śledujut hromohłasnyje zajavlenija so storony Rośsii», – zamietił Surikov.
Voś jak prakamentavaŭ heta biełaruski žurnalist i błohier Alaksandar Kłaskoŭski:
«Kali całkam adkinuć reštki dyplamatyčnaje movy, to sens taki: my vaša načalstva vyharodžvali za parušeńni pravoŭ čałavieka, a vy, niaŭdziačnyja, nia rvieciesia zaraz uchvalać našu kaŭkaskuju vajnu! Darečy, Kaŭkazam sprava moža nia skončycca.
Maskva rezka ŭzmacniła vajaŭničuju rytoryku ŭ dačynieńni da Kijeva. Zaŭtra ad Biełarusi mohuć zapatrabavać, kab padtrymała pretenzii na Sievastopal, na Krym.
Nas uparta ŭciahvajuć u maskoŭskija «razborki» z byłymi «małodšymi siostrami». Dziakuj, ale svaju postimperskuju kašu siorbajcie, panovie, sami!»
Ja ž raspaviadu jašče pra adnaho rasiejskaha ambasadara – u Tbilisi.
Zavuć jaho Viačasłaŭ Kavalenka. Ja ź im asabista znajomy – z taho času, jak jon pracavaŭ daradcam-pasłańnikam (druhoj paśla pasła asobaj) u ambasadzie Rasiei ŭ Miensku. Ja tady byŭ mienskim karespandentam Rasiejskaha dziaržaŭnaha TB i radyjo (1993-1997) – tady ci nie najbolš volnaha ŚMI ŭ śviecie. I tady ž atrymoŭvaŭ krytyku z rasiejskaj ambasady za svaje siužety. Ale ŭ jelcynskija časy hetuju krytyku možna było ihnaravać.
U tyja hady niekatoryja rasiejskija demakraty kazali, što demakratyzyvać łukašenkaŭskuju Biełaruś možna tolki dałučyŭšy jaje da Rasiei. Maŭlaŭ, naša demakratyja piarojdzie da vas. A biełaruskija demakraty im adkazvali: vy nie razumiejecie, heta Łukašenka dałučaje Rasieju da Biełarusi, našaja dyktatura piarojdzie da vas. Tak jano j stałasia.
Ciapier historyja paŭtarajecca: maleńkaja Paŭdniovaja Asiecija dałučyła da siabie vializnuju Rasieju. Maskva stała Ńju-Cchinvali.
Potym (u 2004-2006 hadach) spadar Kavalenka byŭ dyrektaram 2-ha departamentu krain SND MZS Rasiei, jaki adkazvaje za Biełaruś, Ukrainu j Małdovu. Pra raźvićcio adnosinaŭ Rasiei z hetymi tryma krainami u 2004-2006 vy viedajecie. I nia treba dumać, što ŭkrainskuju palityku Rasiei vyznačaje tolki Pucin – z dapamohaj Čarnamyrdzina.
Cikava, što pad viečar na sajcie łukašenkaŭskaha ahienctva BiełTA źjaviłasia voś što:
Biełaruś maje namier pryniać miery pa palapšeńniu adnosin z krainami Jeŭrapiejskaha sajuza i ZŠA
12.08.2008 17:10
12 žniŭnia, Minsk /Kar. BIEŁTA/. Ab situacyi na asnoŭnych napramkach źniešniaj palityki Respubliki Biełaruś 12 žniŭnia kiraŭniku dziaržavy Alaksandru Łukašenku dałažyŭ ministr zamiežnych spraŭ Siarhiej Martynaŭ. Jak paviedamili karespandentu BIEŁTA u pres-słužbie Prezidenta, byli pradmietna abmierkavany isnujučyja pytańni pa hałoŭnych viektarach źniešniepalityčnaj dziejnaści.
Prezident asabliva padkreśliŭ, što Biełaruś imkniecca raźvivać maksimalna hłybokija, kanstruktyŭnyja i plonnyja adnosiny absalutna z usimi svaimi stratehičnymi partniorami, susiedziami, krainami blizkaha i dalokaha zamiežža.
U suviazi z hetym było zakranuta pytańnie ab nieabchodnych mierach pa palapšeńniu adnosin z krainami Jeŭrapiejskaha sajuza i Złučanymi Štatami Amieryki. Prezident daŭ kankretnyja daručeńni adnosna taho, što pavinna być zroblena ŭ metach palapšeńnia adnosin z hetaj hrupaj dziaržaŭ.-0-
Pra Rasieju j Hruziju – ani słova.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary