Prezydent Francyi Nikala Sarkazi prylacieŭ u Tbilisi dla pieramovaŭ z hruzinskim prezydentam Micheiłam Saakašvili.
Jany abmiarkoŭvali asnoŭnyja pryncypy pahadieńnia ab urehulavańni kryzisu, vypracavanyja na pieramovach Sarkazi ź Miadźviedzievym u Maskvie. Pozna ŭviečary Saakašvili i Sarkazi paviedamili, što raspracavanyja pryncypy byli «zbolšaha ŭchvalenyja» ŭ pracesie pieramovaŭ.
Hetych pryncypaŭ šeść. Pieršy — nie prybiahać da vykarystańnia siły. Druhi — kančatkova spynić usie vajennyja dziejańni. Treci — svabodny dostup da humanitarnaj dapamohi. Čaćviorty — uzbrojenyja siły Hruzii viartajucca ŭ miescy svajoj stałaj dyślakacyi. Piaty — uzbrojenyja siły Rasiei vyvodziacca na liniju, što papiaredničała pačatku bajavych dziejańniaŭ. Šosty — pačatak mižnarodnaha abmierkavańnia pytańniaŭ budučaha statusu Paŭdniovaj Asiecii i Abchazii i šlachoŭ zabieśpiačeńnia ich tryvałaj biaśpieki.
Ahladalniki ŭ ZŠA siońnia krytykavali hety dakument za adsutnaść u im zhadki pra terytaryjalnuju cełasnaść Hruzii i krytykavali eŭrapiejcaŭ za sastupki Rasiei.
Tym časam lidery Litvy, Polščy, Ukrainy, Estoni i Łatvii prybyli ŭ Tbilisi ŭ aŭtorak uviečary praz Hiandžu (Azerbajdžan). Jany vystupili na masavym mitynhu ŭ centry hruzinskaj stalicy, na jakim vykazali salidarnaść z Hruzijaj.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary