Biełaruś ličyć Rasiju svajoj sajuźnicaj histaryčna i pastajanna, a Rasija ličyć Biełaruś svajoj sajuźnicaj imhnienna i kali heta palityčna i ekanamična metazhodna. A paśla kryŭdziacca: što ž ty mianie kinuŭ?
«Biełarusi, jak sajuźniku, stvaryli ŭsie nieabchodnyja ŭmovy dla ścipłaści», — tak prakamientavaŭ vykazvańnie rasijskaha pasła Alaksandra Surykava adnosna biełaruskaj pazicyi pa ŭzbrojenym kanflikcie ŭ Paŭdniovaj Asiecii člen savieta respubliki nacyjanalnaha schodu Alaksandr Zimoŭski.
«U momant pačatku ciapierašniaj kaŭkazskaj vajny farmalny kiraŭnik sajuznaj dziaržavy Alaksandr Łukašenka i farmalny premjer sajuznaj dziaržavy Uładzimir Pucin znachodzilisia na adlehłaści vizualnaha, a mahčyma, i vierbalnaha kantakta — na trybunie stadyjona «Ptušynaje hniazdo» ŭ Piekinie, dzie prachodziła cyrymonija adkryćcia Alimpijady. Ale Pucin abmiarkoŭvaŭ kaŭkazski vuzieł nie sa svaim farmalnym načalnikam i jurydyčnym sajuźnikam, a ź inšymi asobami», — padkreśliŭ A. Zimoŭski ŭ intervju BiełaPAN.
«Z čaho vynikaje, što Biełaruś ličyć Rasiju svaim sajuźnikam histaryčna i pastajanna, a Rasija ličyć Biełaruś svaim sajuźnikam imhnienna i kali heta palityčna i ekanamična metazhodna. Rasijanie na praktycy spačatku dajuć zrazumieć: biez vas abyjdziemsia! I heta zrazumieła. A paśla kryŭdziacca: što ž ty mianie kinuŭ? I heta śmiešna»,— zaznačyŭ člen savieta respubliki.
«Nam zusim niezrazumieła, čamu ŭłady Biełarusi ścipła maŭčać adnosna situacyi ŭ Paŭdniovaj Asiecii», — skazaŭ A. Surykaŭ na pres-kanfierencyi ŭ Minsku 12 žniŭnia.
«Jość dahavor ab stvareńni Sajuznaj dziaržavy. Hramadzianie Rasijskaj Fiederacyi, jakija trapili ŭ Paŭdniovaj Asiecii ŭ niepryjemnyje rečy, jany, farmalna kažučy, i hramadzianie Biełarusi», — ličyć A.Surykaŭ. U vypadku «źjaŭleńnia niepryjemnaściej u Biełarusi my vaša hora zaŭsiody padzialem u mižnarodnych arhanizacyjach», zaznačyŭ dypłamat. Jon, u pryvatnaści, nahadaŭ, što Rasija zaŭsiody vystupała suprać uviadzieńnia ekanamičnych sankcyj u dačynieńni da Biełarusi, a taksama abaraniała pazicyju respubliki pry abmierkavańni situacyi z pravami čałavieka.
A.Surykaŭ źviarnuŭ uvahu na toje, što Biełaruś nie prapanoŭvała humanitarnuju dapamohu dla paciarpiełych u hruzina-asiecinskim kanflikcie. «My viedajem, što Kanstytucyja Biełarusi zabaraniaje vykarystańnie biełaruskich vojskaŭ za miežami krainy, ale humanitarny składalnik moh by prysutničać. Aprača taho, mahła b być słoŭnaja padtrymka, što i my zaŭsiody robim dla Biełarusi», — zajaviŭ rasijski pasoł.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary