9 žniŭnia, u pieršy dzień śviata Supraskaj ikony Baharodzicy, u dziadzincy Supraskaj łaŭry, była adkryta vystaŭka, pryśviečanaja kniaziu Kanstancinu Vasilu Astroskamu, a 10 žniŭnia była ŭstanoŭlena memaryjalnaja šylda jamu.
9 žniŭnia, u pieršy dzień śviata Supraslskaj ikony Baharodzicy, u dziadzincy Supraslskaj łaŭry, była adkryta vystaŭka, pryśviečanaja kniaziu Kanstancinu Vasilu Astrožskamu, a ŭ čarhovy dzień śviata, 10 žniŭnia, była ŭstanoŭlena — vykananaja ŭ biełaruskich majsterniach — miemaryjalnaja doška jamu. U paniadziełak, 11 žniŭnia, adbyłasia navukovaja kanfierencyja, pryśviečanaja dasiahnieńniam kniazia — pra jaje budzie admysłovy materyjał. A voś pra vystaŭku, jakaja na saraka karcinach pakazvaje rod Astrožskich i sioletniaje jaho ŭšanavańnie ŭ Biełarusi, paprasiŭ ja raskazać jaje hałoŭnaha arhanizatara dy — u šyrokim kantekście — pačynalnika mnohich inšych aśvietnych mierapryjemstvaŭ, staršyniu Fonda imia Kanstancina Astrožskaha Annu Radziukievič:
— Naš fond maje svaim patronam kniazia Astrožskaha, sioleta minaje 400-ja hadavina jahonaj śmierci, a heta nahoda dla papularyzacyi viedaŭ pra jaho. Ja ŭžo mnoha razoŭ była na Biełarusi, šmat razoŭ u Astrohu, a tam mienavita zachavałasia najbolš śladoŭ z žyćcia kniazioŭ Astrožskich, tady nie było mnie tak składana zrabić takuju vystaŭku. Fotazdymkaŭ u mianie naźbiralisia sotni, a vybirała ja takija, jakija raspaviadali b pra rod Astrožskich.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary