Siaredni zarobak na vytvorčaści Minskaha traktarnaha zavoda pieravyšaje 1000 rubloŭ, raspavioŭ hienieralny dyrektar pradpryjemstva Fiodar Damacienka na mierapryjemstvie, pryśviečanym 71-hodździu Minskaha traktarnaha zavoda.
«Asnoŭnaje, što ŭdałosia damahčysia, - zachavać pracoŭny kalektyŭ. Kali ŭ 2014 hodzie štomiesiac zvalniałasia bolš za 200 čałaviek i zvodka minułaha miesiaca — 12, liču, što zadaču my vykanali. Kalektyŭ pracuje stabilna, asabliva ŭ kanstruktarska-technałahičnym asiarodździ, — skazaŭ Fiodar Damacienka. — Druhaja zadača — zarobak. My majem zarobak pa asnoŭnych vytvorčych rabot u miežach 700 dalaraŭ. Siaredniaja zarabotnaja płata — kala 500 dalaraŭ. Asnoŭnaja zarpłata vytvorčaha pracoŭnaha - 1060 rubloŭ».
Raniej hiendyrektar MTZ paviedamlaŭ, što siaredniaja sakavickaja zarpłata na pradpryjemstvie skłała 950 rubloŭ.