Palicyja ŭ Sopacie zatrymała dzieviać čałaviek u suviazi z bojkaj, jakuju ŭ minułuju piatnicu ranicaj učynili na adnoj z centralnych vulic horada hramadzianie Rasii i Polščy. Vaśmi zatrymanym vystaŭlenyja abvinavačvańni va ŭdziele ŭ bojcy, a dvoje ź ich dadatkova abvinavačvajucca ŭ źbićci, paviedamlaje Radyjo Polšča.
Aryšt udzielnikaŭ bojki staŭ mahčymym dziakujučy abmienu infarmacyjaj pamiž palicyjaj i apierataram haradskoha videamanitorynhu. U vyniku chutkaj reakcyi pravaachoŭnikaŭ byli zatrymanyja dzieviać čałaviek.
Piaciora z aryštavanych — heta hramadzianie Rasii va ŭzroście 23—27 hadoŭ, siarod ich byli dźvie žančyny, jašče čaćviora — hramadzianie Polščy va ŭzroście 21—34 hadoŭ.
Zatrymanych pravieryli na stan ałkaholnaha apjanieńnia. Ustanoŭlena, što ŭsie jany ŭžyvali ałkahol.
Paśla zatrymańnia pravaparušalnikaŭ dapytali. Na padstavie atrymanaha dokaznaha materyjału palicyja vystaviła vaśmi ź ich abvinavačvańni va ŭdziele ŭ bojcy, za što im moža pahražać da 3 hadoŭ pazbaŭleńnia voli. Jašče dvuch hramadzian Rasii dadatkova abvinavacili ŭ źbićci.
