Kniha Ljuisa Kerała — 25 rubloŭ, a «Bortnik Ihnat i skarb puščy» — 10! Vialiki rasprodaž dziciačaj litaratury ad kniharni «Halijafy»
1-3 červienia ŭklučna z nahody Mižnarodnaha dnia abarony dziaciej kniharnia «Halijafy» ładzić vialiki rasprodaž litaratury dla dziaciej i padletkaŭ. Źnižki dziejničajuć na ŭsie dziciačyja knihi, jakija jość u asartymiencie anłajn-kramy halijafy.by.
Kniharnia «Halijafy» prapanuje padniać siamiejny nastroj pakupkaj nastupnych vydańniaŭ:
«Anamalija» Alesia Byčkoŭskaha — heta vydatnyja pryhody. Hieroi «Skarpijonaŭ Daŭra», kaśmičnyja kantrabandysty, padčas daśledvańnia zakinutaha karabla vypadkova znachodziać staražytny artefakt, za jakim, jak akazałasia, daŭno palujuć usie viadomyja śpiecsłužby Hałaktyki. Artefakt maje ŭłaścivaść vymušać ludziej, jakija pobač, kazać tolki praŭdu. Uźnikła niebiaśpieka, što złamyśniki ŭpotaj praviazuć niebiaśpiečnuju reč na saviet Hałaktyčnaha Sienata, i tady palityki pačnuć pryznavacca ŭ chabarnictvie, teraktach, handlu rabami i inšym, nastanie hłabalny palityčny kryzis i pačniecca vajna. Spynić raźvićcio trahičnych padziej uzialisia pałkoŭniki varahujučych raźviedak… — 5.70 r. 4.00 r.
Jašče adna kniha dla padletkaŭ vyjšła ŭ sieryi «Kalekcyja biełaruskaj fantastyki» — «Sad zamknionych hor» Sierža Minskieviča. «Sad zamknionych hor» — pryhodnicki raman z elemientami bajavoj fantastyki. Akramia taho, u knihu ŭvajšli apovieść «Hipiernovy rabinzon» i niekalki sajns-fikšn apaviadańniaŭ. — 5.70 r. 4.00 r.
Čamu małako ŭ karovy biełaje i adkul biarecca chleb? Jak žyvuć pčoły? I navat, jak patrapić na Kudykinu horu? Hieroi kazki «Janka, Šmurdzik, Buchmatka i inšyja» Michasia Ziziuka znojduć niasumnyja adkazy na hetyja i inšyja dziciačyja pytańni, a pryhožaja biełaruskaja mova pryjdziecca da spadoby ŭ kožnaj siamji. — 12.00 r. 8.00 r.
Suśvietna viadomaja kazka Ljuisa Kerała «Skroź lusterka, i što ŭbačyła tam Alisa», adzin z samych zahadkavych tvoraŭ kłasičnaj litaratury Vialikabrytanii, užo druhoje stahodździe vabić jak dziaciej, jakim jana niepasredna pryznačałasia, tak i darosłych. U hetym vydańni źmieščany pierakład kazki, vykanany Vieraj Burłak. Aryhinalnyja ilustracyi Kaciaryny Dubovik supravadžajuć u padarožžy ŭ Zalusterkavy śviet i dazvalajuć adčuć siabie ŭdzielnikam fantastyčnaj hulni — šachmatnaj partyi, razyhranaj Ljuisam Kerałam. — 30.00 r. 25.00 r.
Nabor pryhožych paštovak z aŭtarskimi ilustracyjami Kaciaryny Dubovik da knihi «Skroź lusterka, i što ŭbačyła tam Alisa». — 12.00 r. 6.00 r.
Słoŭnik z malunkami «Naš dom / Our Home» maje za metu dapamahčy ŭ zasvajeńni leksiki pavodle pryncypu «chočaš zapomnić — pabač na svaje vočy». Słoŭnik tematyčny: jon źmiaščaje bolš za 2 000 biełaruskich i anhlijskich słoŭ i vyrazaŭ, jakija abaznačajuć častki žyłych budynkaŭ, raznastajnyja chatnija spravy, haspadarčyja pryłady i inšaje — toje, što akružaje nas kožny dzień.
Vydańnie pryznačanaje dla dziaciej i darosłych, dla biełarusaŭ i zamiežnikaŭ, dla tych, chto vyvučaje abo choča pahłybić svajo viedańnie sučasnaj biełaruskaj i/abo anhlijskaj movy. — 20.00 r. 18.00 r.
Sa źnižkaj u hetyja dni možna nabyć i knihu Tomaša Samojlika «Bortnik Ihnat i skarb puščy». U hłybini staradaŭniaj Biełaviežskaj puščy bortnik Ihnat dahladaje pčoł, jakija žyvuć u borciach, jak rabili jaho pradziedy. Choć Ihnat žyvie ŭ śviecie pa-za časam, bieh historyi nie zapavolvajecca. Nad puščaj źbirajucca ciomnyja chmary,a spakojnaje žyćcio ŭ zhodzie sa staradaŭnimi zvyčajami znachodzicca pad pahrozaj. Ci ŭdasca Ihnatu źbierahčy pušču i lehiendarny skarb, schavany ŭ jaje hłušy? — 14.40 r. 10.00 r.
Kniha Juryja Stankieviča «Bramnik zaŭždy samotny» raźličanaja na tych, chto lubić sport, pryhody, aktyŭnaje, zdarovaje žyćcio. Apovieść «Bramnik zaŭždy samotny» raspaviadaje pra maładoha i vielmi talenavitaha futbalista, bramnika pa pryzvańni, jaki choča stać takim samym vialikim hałkipieram, jak Łuis Čyłaviert. Psichałohija junakoŭ i dziaŭčat, temy mužnaści i kachańnia — usio heta składaje źmiest knihi. — 8.50 r. 6.00 r.
Na dziciačyja knihi inšych vydaviectvaŭ — źnižka 10%!
Pahladzieć usie źnižki i nabyć knihi možna na sajcie halijafy.by abo ŭ kniharni «Halijafy» pa adrasie HC Niamiha, 3, cokalny pavierch, 66 pav.
PVUP «Halijafy» UNP 190883852
Kamientary