Prezident Vieniesueły Nikałas Madura zajaviŭ pra namier pravieści refierendum ab stvareńni Kanstytucyjnaj asamblei, jakaja pavinna zamianić ciapierašni nacyjanalny parłamient.
Novy zakanadaŭčy orhan, pavodle idei Madura, budzie vałodać paŭnamoctvami pa źmianieńni kanstytucyi krainy. U dziejučym parłamiencie bolšaść maje apazicyja, jakaja raniej zaklikała Madura syści ŭ adstaŭku. Praciŭniki Madura vystupajuć suprać prapanavanaj im reformy, ličačy, što hałoŭnaja jaje meta — skancentravać uładu ŭ rukach prezidenta.
Palityčnaja baraćba ŭ Vieniesuele razhortvajecca na fonie bieśpierapynnych akcyj pratestu. Pa dadzienych ahienctva Frans pres, z 1 krasavika ŭ vuličnych sutyknieńniach zahinuli 60 čałaviek.
Kamientary