Prezident Rasii Uładzimir Pucin u intervju amierykanskamu režysioru Olivieru Stoŭnu vykazaŭ niazhodu ź dziejańniami Edvarda Snoŭdena, jaki pracavaŭ u Ahienctvie nacyjanalnaj biaśpieki ZŠA, a zatym publična raspavioŭ pra toje, jak hetaja śpiecsłužba parušała zakon.
«Ja liču, što jon nie pavinien byŭ hetaha rabić. Kali jamu niešta nie padabajecca ŭ toj pracy, na jakuju jaho zaprasili, treba było prosta zvolnicca i ŭsio. Ale jon pajšoŭ dalej», - skazaŭ kiraŭnik rasijskaj dziaržavy.
Pry hetym Pucin ličyć, što Snoŭden nie źjaŭlajecca zdradnikam, pakolki jon nie pieradavaŭ inšaj krainie infarmacyju, jakaja nanosiła b škodu jaho narodu.
Prezident Rasii taksama pahadziŭsia sa Stoŭnam, što ANB u svaich mietadach zajšło zanadta daloka. «Sačyć za sajuźnikami — kali vy ličycie ich sajuźnikami, a nie vasałami — heta nieprystojna», - skazaŭ jon.
Stoŭn zdymaje dakumientalny film pra Pucina. Jaho pačnuć pakazvać z 12 červienia na kanale Showtime.
Kamientary