Słavutamu futbalistu i trenieru Eduardu Małafiejevu spoŭniłasia 75 hadoŭ
Prasłaŭlenamu futbalistu i lehiendarnamu biełaruskamu trenieru Eduardu Małafiejevu siońnia spaŭniajecca 75 hadoŭ.
Eduard Vasiljevič naradziŭsia ŭ 1942 hodzie ŭ Krasnajarsku, dzie razam ź siamjoj apynuŭsia ŭ evakuacyi. Rodnym horadam nazyvaŭ padmaskoŭnuju Kałomnu.
Pačynaŭ hulać u kałomienskim «Avanhardzie» ŭ 1960 hodzie, praz hod byŭ zaprošany ŭ maskoŭski «Spartak», zatym pierajšoŭ u minskaje «Dynama». Na vyšejšym uzroŭni čempijanatu SSSR pravioŭ 254 matčy, zabiŭ 100 miačoŭ. Udzielnik čempijanatu śvietu — 1966y, čempijanatu Jeŭropy — 1968, Alimpijskich 1964 i 1968 hadoŭ. Stanaviŭsia najlepšym bambardziram sajuznaha čempijanatu (1971).
U 1982 h. pryvioŭ minskaje «Dynama» da załatych miedaloŭ u čempijanacie SSSR.
U 1983-1986 hadach treniravaŭ zbornuju SSSR pa futbole, paralelna z hetym pracavaŭ u kłubie «Dynama» Maskva.
Z 2000 da 2003 hoda treniravaŭ nacyjanalnuju zbornuju Biełarusi. Pry im zbornaja zaniała treciaje miesca ŭ adboračnaj hrupie da čempijanatu śvietu-2002.
«Trenier — heta ahoń, jaki sahravaje kamandu. Pakul jon haryć, nijakija niehatyŭnyja pracesy ŭ jaje nie prasiaknuty. Kali ž adbyvajecca astudžeńnie samoha nastaŭnika, to heta nieadkładna i vielmi niehatyŭna adbivajecca na kožnym z futbalistaŭ, ŭsim kalektyvie. Biez trenierskich emocyj niama i być nie moža sapraŭdnaha futboła. Bo sam futboł — heta emocyi», — śćviardžaje słavuty trenier.
Eduard Małafiejeŭ nie adnojčy kazaŭ, što futboł — heta jaho žyćcio i los.
-
«Vašynhton Kepitałz» Alaksieja Protasa vyjšaŭ u druhi raŭnd Kubka Stenli
-
Trenier žanočaj zbornaj Biełarusi pa handbole: U mianie ŭ kožnaj kamandzie byli leśbijanki. Zamiłoŭvajuć sproby heta rehulavać
-
Biełaruski trenier raskazaŭ, jakuju śmiešnuju zadaču jamu pastavili ŭ čempijanacie Kitaja pa chakiei
Kamientary