Iłan Mask pakinuŭ kansultacyjnuju radu pry prezidencie ZŠA ŭ znak pratestu
Jašče pierad tym, jak prezident ZŠA Donald Tramp abviaściŭ pra vychad ZŠA z Paryžskaha pahadnieńnia pa klimacie, pradprymalnik i inžynier Iłan Mask paviedamiŭ u svaim tvitary, što budzie sprabavać pierakanać prezidenta hetaha nie rabić, a kali ŭsio ž ZŠA vyjduć z pahadnieńnia, Mask paabiacaŭ pakinuć kansultacyjnuju radu pry Trampie ŭ znak pratestu.
Don't know which way Paris will go, but I've done all I can to advise directly to POTUS, through others in WH & via councils, that we remain
Will have no choice but to depart councils in that case
Ale było vidavočna, što naŭrad ci Tramp admovicca ad svaich płanaŭ, i 1 červienia prezident ZŠA paviedamiŭ, što Amieryka ŭsio ž vychodzić z klimatyčnaha pahadnieńnia. Iłan Mask adreahavaŭ imhnienna. U svaim tvitary jon paviedamiŭ: «Ja pakidaju kansultatyŭnuju radu pry prezidencie. Źmianieńnie klimatu — realnaść. Vychad z Paryžskaha pahadnieńnia naškodzić jak Amierycy, tak i śvietu».
Am departing presidential councils. Climate change is real. Leaving Paris is not good for America or the world.
Hetaja situacyja moža tolki pahłybić nieparazumieńnie pamiž administracyjaj Trampa i amierykanskaj IT-elitaj, jakaja raniej krytykavała prezidenta za mihracyjnyja zakony i inšyja sprečnyja pytańni.
U lutym kiraŭnik Uber Trevis Kałanik pakinuŭ ekanamičnuju radu pry prezidencie. Jon heta patłumačyŭ tym, što jaho najaŭnaść u radzie niekatoryja pačali ŭsprymać jak padtrymku palityki Trampa.
Iłan Mask, jakoha šmat krytykavali za supracoŭnictva z Trampam, adznačyŭ u lutym, što jaho ŭdzieł u pracy rady nie aznačaje zhody ź dziejańniami administracyi Trampa.
Kamientary