Biełarusi ciažka bałansavać pamiž Rasijaj i Zachadam, uličvajučy, jak daloka jany zajšli ŭ svajoj «vajaŭničaj rytorycy» i ŭzajemnych abvinavačvańniach, zajaviŭ Uładzimir Makiej, razmaŭlajučy z žurnalistami ŭ kułuarach kanfierencyi pa ekanamičnaj biaśpiecy «Minskaha dyjałohu».
— Bałansavać zaŭsiody ciažka, asabliva, kali baki nastolki daloka zajšli ŭ vajaŭničaj rytorycy, abvinavačańniach adzin suprać adnaho, — zajaviŭ ministr, adkazvajučy na pytańnie, ci składana bałansavać pamiž Rasijaj i Zachadam.
Pry hetym kiraŭnik MZS dadaŭ, što Minsk nie źbirajecca «bałansavać na karyść taho ci inšaha boku»
— Mnie asabista nie padabajecca hetaja fraza: «Biełaruś pavinna być mostam pamiž Uschodam i Zachadam». My prosta zychodziačy z našych nacyjanalnych intaresaŭ, starajemsia prapanavać idei, jakija dapamahli b vybudoŭvańniu narmalnaha dyjałohu pamiž apanientami.
Vystupajučy na kanfierencyi, Makiej zajaviŭ, što Biełaruś ličyć važnym dla ekanamičnaj biaśpieki krainy dyviersifikavać handal pa formule «tracina-tracina-tracina», tak kab pa tracinie biełaruskaha ekspartu išło na rynki ES, JEAES i krain «dalokaj duhi».
- Na žal, ja pavinien skazać ščyra, ciapierašniuju kanfihuracyju źniešniaha handlu nielha nazvać praparcyjnaj i kamfortnaj dla našaj dziaržavy.
Paśla svajho vystupu ministr rastłumačyŭ, što mieŭ na ŭvazie:
- Pahadziciesia, što ŭ pieryjady ekanamičnych kryzisaŭ, jakija pieryjadyčna ŭźnikajuć, niemahčyma vyžyć takoj nievialikaj krainie jak Biełaruś, kali jana budzie zaležać ad adnoj krynicy, ad adnaho niejkaha napramku. Vyjście adno — dyviersifikacyja.
Makiej taksama zajaviŭ, što Biełaruś ŭ 2016 hodzie značna aktyvizavała pieramovy ab ustupleńni ŭ SHA. U pryvatnaści, byli padpisanyja pratakoły ab zaviaršeńni dvuchbakovych pieramovaŭ ź Japonijaj i Paŭdniovaj Karejaj
- My ŭdziačnyja i našym amierykanskim partnioram, i našym jeŭrapiejskim partnioram za padtrymku namahańniaŭ Biełarusi [pa ŭstupleńni ŭ SHA].
Ministr prahnazuje, što Biełaruś chutka zavieršyć pieramovy z astatnimi 10-15 dziaržavami.
Makiej adznačyŭ, što aktyvizacyja pieramoŭnaha pracesu dazvoliła vyjści na padrychtoŭku finalnaha dakumienta pa ŭstupleńni ŭ arhanizacyju - prajekta dakładu rabočaj hrupy.
Kamientary