U byłoj zorki «Doma-2» i jaje siabra ŭ minskim aeraporcie kanfiskavali $30 tysiač
Rasijski śpiavak Aleksa Malinoŭski i televiadučaja, byłaja zorka skandalnaha šou «Dom-2» Alona Vadanajeva lacieli maršrutam Maskva — Minsk — Kijeŭ na zdymki klipa.
Z saboj u Malinoŭskaha byli $30 tysiač hatoŭkaj, jakija jon vioz u Kijeŭ, kab zapłacić režysioru. Rasijskija artysty pajšli nie pa čyrvonym kanale, dzie musili zadekłaravać hrošy, a pa zialonym. Supracoŭniki mytni vypadkova vyčapili ich z płyni pasažyraŭ i zapytalisia, ci niama čahości zabaronienaha.
«Kali ŭ nas spytali, kolki my viaziem hrošaj, my adkazali ščyra, bo ničoha nie chavali. Supracoŭniki mytni vielmi nieprafiesijna siabie pavodzili, zładzili cyrk sa ździekam, admaŭlalisia zaprasić konsuła. Pa ich vinie my prapuścili samalot, nas pratrymali 11 hadzin, i, naturalna, nichto nie źbirajecca apłačvać našy kvitki biźnies-kłasa i VIP-prachodki u Baryspal», — raskazvała aburanaja Vadanajeva.
Uziaŭšy z rasijskich artystaŭ tłumačalnuju, ich adpuścili ŭ Kijeŭ. A voś hrošy zastalisia na mytni. U aŭtorak u sudzie budzie vyrašany los skanfiskavanych $30 tysiač i 55 000 rasijskich rubloŭ.
Kamientary