Z 26 červienia fizičnyja asoby ŭ Biełarusi nie zmohuć karystacca elektronnymi kašalkami EasyPay — usie anłajn-apieracyi buduć zabaronienyja, a kašalki zabłakavanyja.
«Biełhazprambank», jaki źjaŭlajecca emitentam sistemy ŭ Biełarusi, zaklikaje ŭsich uładalnikaŭ kašalkoŭ z aktyŭnym bałansam paśpieć patracić svaje hrošy.
Ale čamu tak?
U banku «Našaj Nivie» skazali, što siońnia asnoŭnym płaciožnym instrumientam u anłajnie robicca bankaŭskaja karta, jakaja transfarmavałsia i ŭ virtualny instrumient. A EasyPay, maŭlaŭ, užo nie adpaviadaje «vysokim standartam bankaŭskaha absłuhoŭvańnia».
Ale možna taksama mierkavać, što heta robicca jak adzin z krokaŭ pa baraćbie z narkahandlem.
Pamiatajecie, my vyjavili ŭraźlivaść u sistemie EasyPay, jakaja dazvalała pradaŭcam vyvodzić srodki, atrymanyja ad nielehalnaha biźniesu?
Čytajcie: Praz machinacyi narkahandlaroŭ niekatoryja rachunki EasyPay byli dastupnyja trecim asobam
Čytajcie taksama: Paśla publikacyj «Našaj Nivy» prodaž spajsaŭ u krainie paralizavany
Sistema była pabudavanaja tak, što na padstaŭnych asobaŭ zavodzilisia rachunki, na jakija paśla narkamany pieravodzili hrošy za dozy.
Vyhladaje, što niejki čas pravaachoŭnyja orhany sprabavali adsočvać pa takich tranzakcyjach asobaŭ, datyčnych da handlu.
Najchutčej, hetaja praktyka pryznanaja nieefiektyŭnaj i ad jaje admaŭlajucca na karyść poŭnaj zabarony na karystańnie EasyPay. Novyja praviły abciažarać raźliki pamiž narkaspažyŭcami i handlarami.
