U Astravieckim rajonie zhareŭ kaścioł XVIII stahodździa, u jakim słužyŭ paet Kazimir Svajak
Ranicaj 6 červienia ŭ vioscy Kluščany Astravieckaha rajona zhareŭ stary draŭlany kaścioł Śviatoha Jachima.
«U šeść hadzin ranicy čałaviek, jaki žyvie niedaloka ad kaścioła, pabačyŭ u voknach kaścioła ahoń. Adrazu vyklikaŭ pažarnych, jany chutka prylacieli, ale ŭžo nie było čaho ratavać», — raskazvaje pčalar Aleś Marozik, jaki žyvie ŭ Kluščanach.
Kaścioł Śviatoha Jachima pabudavany ŭ 1726 hodzie, byŭ začynieny ŭ 1948, ale viernuty viernikam i adbudavany ŭ 1990. U 1915-m nievialiki pramiežak času tut słužyŭ viadomy paet, a taksama katalicki śviatar Kastanty Stapovič, viadomy taksama pad svaim litaraturnym psieŭdanimam Kazimir Svajak.
«Ničoha nie ŭdałosia ŭratavać. Tolki vyciahnuli knihu 1887 hoda z archivami, ale navat jana napałovu zhareła», — praciahvaje Marozik.
Pa niepaćvierdžanaj infarmacyi, na miesca zdareńnia pryjazdžaŭ staršynia Astravieckaha rajvykankama Ihar Šałudzin.
Pres-sakratar Hrodzienskaha abłasnoha ŭpraŭleńnia pa nadzvyčajnych situacyjach Natalla Žyvaleŭskaja paćvierdziła «NN», što kaścioł zhareŭ datła. Pakul u MNS niama dakładnaj infarmacyi, što stałasia pryčynaj uzharańnia.
Imšy ŭ kluščanskim kaściole prachodzili štotydzień, u niadzieli, na ich pryjazdžaŭ ksiondz z susiednich Michališak.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary