Kampanija Everest Link ustalavała na hary Evierest punkty dostupu Wi-Fi, paviedamlaje VentureBeat.
Kala 200 punktaŭ Wi-Fi zabiaśpiečvajuć internetam bolš za 40 viosak, dzie žyvie 34 tysiačy miascovych žycharoŭ. Kožny hod tut byvaje bolš za 40 tysiač turystaŭ.
Hienieralny dyrektar Everest Link Cerynh Šerpa raspavioŭ, što da 2000 hoda adzinym srodkam suviazi z hetaj miascovaściu byli listy, jakija ŭ lepšym vypadku dastaŭlalisia viertalotam. Situacyja ŭskładniałasia ŭnutrypalityčnaj niestabilnaściu, što nie dazvalała pravieści internet u vysakahornyja rajony Niepała. Ale ŭ 2014 hodzie prajekt pačaŭ realizoŭvacca.
Dla stvareńnia Wi-Fi-sietki nieabchodna było nie tolki znajści śpiecyjalistaŭ pa telekamunikacyjach, ale i navučyć ich navykam vyžyvańnia ŭ vysakahornaj miascovaści. Jašče adnoj prablemaj było elektrasiłkavańnie abstalavańnia suviazi, tamu Everest Link ustalavali soniečnyja paneli. Usio abstalavańnie dastaŭlałasia ludźmi i kłunačnymi žyviołami.
Sietka Everest Link zabiaśpiečvaje dostup da internetu z chutkaściu da 200 miehabit u siekundu. Dostup da internetu atrymaŭ i bazavy łahier Džamałunhmy na vyšyni 5364 mietra, jaki źjaŭlajecca hałoŭnym apornym punktam dla alpinistaŭ, jakija źbirajucca zabracca na samuju vysokuju haru ŭ śviecie.
Taksama Everest Link stvaryła prahramu dystancyjnaha navučańnia dla miascovych školnikaŭ, tamu što ŭ takich vysakahornych rajonach składana znajści zvyčajnych vykładčykaŭ.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro11
Kamientary