Biełaruskuju carkvu ŭklučyli ŭ lik samych enierhaefiektyŭnych budynkaŭ Łondana

Carkva Śviatoha Kiryły Turaŭskaha, pabudavanaja ŭ 2016 hodzie ŭ Londanie, trapiła ŭ šortlist najlepšych budynkaŭ horadu. Pavodle versii arhanizacyi New London Architecture (NLA) biełaruskaja carkva pretenduje na ŭznaharodu ŭ troch naminacyjach: samy enerhaefektyŭny budynak, «Kultura i supolnaść», «Narodny vybar».

Pavialičyć

U šortlist konkursu New London Architecture adabrana 160 prajektaŭ novych budynkaŭ Londana. Jany padzielenyja na 15 katehoryj. Biełaruskaja carkva trapiła adrazu ŭ niekalki.

So Czyŭaj (Tszwai So), aŭtar prajektu carkvy i kiraŭnik architekturnaha biuro Spheron Architects, raskazaŭ Svabodzie, što adznaka New London Architecture vielmi važnaja dla biełaruskaj supolnaści.

«Było b cudoŭna dla Biełarusi mieć najlepšy budynak Londana, nazvany ŭ honar ichniaj krainy», — skazaŭ So Czyŭaj.

Pavialičyć

Carkvu Śviatoha Kiryły Turaŭskaha pabudavali kala Biełaruskaj katalickaj misii ŭ Londanie ŭ 2016 hodzie. Jana stała pieršym draŭlanym chramam Londana z 1666 hodu. Kab atrymać «adčuvańnie biełaruskaj architektury», So Czyŭaj admysłova pryjaždžaŭ u Biełaruś, kab pabačyć aŭtentyčnyja draŭlanyja cerkvy. Jon ličyć, što jany pavinny być u Śpisie suśvietnaj spadčyny UNESCO.

Carkva taksama — chram-pomnik achviaram trahiedyi na Čarnobylskaj AES.

Pavialičyć

Samaja prestyžnaja naminacyja, u jakuju trapiła biełaruskaja carkva, — Ashden Prize. Heta pryz za najlepšy enerhaefektyŭny budynak. Ashden Prize adznačaje prajekty, jakija majuć tak zvany «pasiŭny dyzajn», hienerujuć enerhiju z adnaŭlalnych krynic, spažyvajuć mała elektraenerhii i ciapła, vykarystoŭvajuć navatarskija materyjały i technalohii. Šyrokaje prymianieńnie takich rašeńniaŭ maje zrabić Londan bolš ekalahičnym.

U carkvie vykarystana naturalnaja ventylacyja. Jana abahrajecca systemaj ad inžynernaj kampanii Arup, jakaja prajektavała budynak Opery ŭ Sydnei. Taksama carkva aryjentavanaja na poŭdzień, kab atrymlivać maksymalnaje ciapło ŭzimku.

Pavialičyć

«Śviatar skazaŭ, što temperatura zaŭždy idealnaja: u carkvie nia vielmi horača i nia vielmi choładna», — kaža So Czyŭaj.

U šortlist Ashden Prize trapili try budynki: Ankalahičny centar špitala Haj (ad viadomaha architektara Ryčarda Rodžersa), Dalston Lane (camy vialiki ŭ śviecie budynak, zrobleny z draŭlanych panelaŭ) i biełaruskaja carkva.

New £160 million Cancer Centre opened at Guy's Hospital designed by Rogers Stirk Harbour+Partners: https://t.co/a4v65JEH2o pic.twitter.com/hz4zRI99MZ

— World Architecture (@WACommunity) September 29, 2016

Tall Timber focus in Building Mag on @BKStructures & @ramboll_uk Dalston Lane project CLICK: https://t.co/wCp8xiA42B pic.twitter.com/yN3z93BbHH

— B & K Structures (@BKStructures) January 20, 2016

«Biełaruskaja carkva spaborničaje z adnym z samych viadomych architektaraŭ 20 stahodździa — łordam Ryčardam Rodžersam», — skazaŭ So Czyŭaj.

Pieramožcaŭ u kožnaj naminacyi vyznačaje prafesijnaje žury. Paralelna siarod usich finalistaŭ pravodzicca narodnaje hałasavańnie. Budynak, jaki nabiare najbolš retvitaŭ, atrymaje pryz u naminacyi «Narodny vybar». Architektar spadziajecca na padtrymku biełarusaŭ.

Pavialičyć

«Było b dobra, kab za biełaruskuju kaplicu prahałasavali jak za lepšy budynak Londana, — kaža architektar. — Heta dapamoža pramocyi Biełarusi ŭ Londanie. Kali ŭsie biełarusy abjadnajucca, my možam stvaryć cud. Budynak, nazvany ŭ honar krainy, budzie najlepšym u Londanie».

Hałasavańnie prachodzić da 26 červienia na sajcie New London Architecture. Kab prahałasavać, treba zrabić tvit, jaki pavinien utrymlivać #NLAwards17 @nlalondon, ci zapoŭnić formu.

Heta nia pieršaja ŭznaharoda, jakuju atrymlivaje biełaruskaja carkva ŭ Londanie. Jana ŭžo atrymała premiju Karaleŭskaha instytutu brytanskich architektaraŭ (RIBA London Award) i trapiła ŭ lik 50 najlepšych budynkaŭ Londana.

• 0
• 0
• 0
• 0
• 0
• 0
• 0
• 0