Dvoje padletkaŭ zahinuli ŭ DTZ u Biarozaŭskim rajonie Krasnajarskaha kraju (RF), jašče troje paciarpieli, paviedamili ŭ rehijanalnym DIBDR. Za rulom aŭtamabila Honda znachodziŭsia siamikłaśnik, palicyja vyśviatlaje pryčyny avaryi, paviedamlaje TASS.
«Za rulom byŭ chłopčyk, 13 hadoŭ, siamikłaśnik, jon zahinuŭ. Pasažyr 14 hadoŭ, vaśmikłaśnik, taksama zahinuŭ. Troje paciarpiełych padletkaŭ — adzin 16 hadoŭ, dvoje 17 hadoŭ», — raspaviali ŭ DIBDR.
Usie dzieci — žychary pasiołka Zykava Biarozaŭskaha rajona. «Starejšyja skončyli dzieviać kłasaŭ letaś, nidzie nie vučacca i nie pracujuć. Troje — navučency miascovaj škoły», — dadali ŭ viedamstvie.
Jak udakładniła pres-słužba krajavoha HU MUS, avaryja adbyłasia ranicaj na ŭčastku darohi Biarozaŭka — Zykava — Mahansk. Kiroŭca Honda nie spraviŭsia z kiravańniem, i aŭtamabil urezaŭsia ŭ bietonnuju aharodžu. Pavodle papiarednich danych, padletki byli pjanyja i nie vykarystoŭvali ramiani biaśpieki.