Na adkryćci nacyjanalnaha paviljona na EKSPA-2017, jaki pačaŭ pracu ŭčora ŭ stalicy Kazachstana, Biełaruś prezientavała aŭtobus budučyni, jakomu nie patrebien bienzin, paviedamlaje Sputnik Kazachstan.
Tut i nižej fota: Sputnik
Pakolki asnoŭnaja tema ciapierašniaha EKSPA-2017 paznačanaja jak «Enierhija budučyni», Biełaruś prezientavała na vystavie svaju najnoŭšuju raspracoŭku — haradski elektrobus «Vitaŭt» vytvorčaści «Biełkamunmaš».
«Elektrobus — heta technika budučyni. Elektrobus pracuje na padzaradcy jak mabilny telefon. Vy jaho zaradžajecie, i na praciahu 6 hadzin na praciahu 30-40 kiłamietraŭ jon ekspłuatujecca ŭ haradskim asiarodździ», — raspavioŭ pradstaŭnik MZS Biełarusi Jaŭhien Łazaraŭ. Pa jaho słovach, elektrobus ŭžo ekspłuatujecca ŭ Minsku i atrymaŭ vysokuju adznaku jak ad pasažyraŭ, tak i ad kampanij. Pradstaŭniki Biełarusi spadziajucca, što cud-aŭtobus spadabajecca naviedvalnikam EKSPA i zacikavić kazachstanskija kampanii.
Mižnarodnaja śpiecyjalizavanaja vystava EKSPA-2017 budzie doŭžycca da 10 vieraśnia. 13 žniŭnia na EKSPA projdzie Dzień Biełarusi, na jakim płanujecca prysutnaść premjer-ministra Andreja Kabiakova.
