Pad Brestam biełaruskija pamiežniki zatrymali hramadzianina Polščy, jakija nielehalna pierasiok miažu na parapłanie, paviedamili ŭ Dziaržaŭnym pamiežnym kamitecie Biełarusi.
Incydent adbyŭsia 11 červienia ŭ rajonie punkta propusku «Kazłovičy». Narad zaŭvažyŭ parapłan, jaki lacieŭ na vyšyni kala 1 tys. m z boku Polščy. Zaŭvažyli jaho i miascovyja žychary, jakija paśpiašalisia paviedamić pra heta pamiežnikam. U chodzie apieratyŭnych mierapryjemstvaŭ parušalnik byŭ zatrymany supracoŭnikami Bresckaj pamiežnaj hrupy ŭ 600 m ad dziaržaŭnaj miažy adrazu ž paśla pryziamleńnia. Mužčyna 1975 hoda naradžeńnia patłumačyŭ, što straciŭ aryjencir. Kali pryziamliŭsia, to padumaŭ, što znachodzicca niepadalok ad polskaha horada Biała-Padlaska.
U dačynieńni da hramadzianina Polščy pačaty administracyjny praces za parušeńnie dziaržaŭnaj miažy. Spartsmienu-amataru pahražaje bujny štraf z departacyjaj i zabaronaj ujezdu ŭ Biełaruś.
