Vałanciorskaja słužba «Viasny» zapuściła kampaniju pa źmianieńni zakanadaŭstva ab masavych mierapryjemstvach.
Kab dapamahčy kampanii, pravaabaroncy zaklikajuć nakiravać zakanadaŭcam prapanovu ab uniasieńni źmienaŭ u zakanadaŭstva ab svabodzie schodaŭ. Zbor podpisaŭ budzie ažyćciaŭlacca da 01 žniŭnia 2017 hoda.
Kab padtrymać kampaniju, kožny achvotny moža zapoŭnić zvarot ad svajho imia.
Kalektyŭny zvarot budzie nakiravany ŭ Pałatu pradstaŭnikoŭ, Saviet Respubliki, Saviet Ministraŭ, Administracyju prezidenta na adras elektronnaj pošty. Dakumient składzieny ŭ adpaviednaści z patrabavańniami Zakona «Ab zvarocie hramadzian i jurydyčnych asob», tamu dziaržaŭnyja orhany buduć abaviazanyja jaho razdledzieć.
Pravaabaroncy źviartajuć uvahu, što «isnujučy ŭ Respublicy Biełaruś Zakon «Ab masavych mierapryjemstvach u Respublicy Biełaruś» praduhledžvaje pracajomkuju praceduru ŭzhadnieńnia i atrymańnia dazvołu na praviadzieńnie mirnaha schodu, uskładniajučy tym samym realizacyju kožnym svajho prava vyražać svajo mierkavańnie, idei i pierakanańni, udzielničajučy ŭ mirnych schodach», tamu dakumient patrabuje źmienaŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)