Libieralna-demakratyčnaja partyja (lidar — Siarhiej Hajdukievič) prapanoŭvaje ŭładam nadać status historyka-kulturnaj kaštoŭnaści bieł-čyrvona-biełamu ściahu i hierbu «Pahonia», a taksama dazvolić ich svabodnaje vykarystańnie ŭ krainie. Pra heta paviedamlaje pres-słužba partyi pa vynikach pašyranaha pasiadžeńnia jaje Vyšejšaha Savieta i Centralnaha kamiteta.
U ŁDP padkreślivajuć, što rašeńnie refierendumu ab vybary dziaržsimvoliki — «zakon dla ŭsich». Razam z tym, u partyi ličać, što pryjšoŭ čas «nadać bieł-čyrvona-biełamu ściahu i hierbu «Pahonia» status historyka-kulturnych kaštoŭnaściaŭ i dazvolić ich svabodnaje vykarystańnie na terytoryi Respubliki Biełaruś».
- Hety krok stanie realnym krokam dla jašče bolšaha jadnańnia hramadzian našaj krainy i razumieńnia taho, što naša historyja nie moža być dobraj ci drennaj. Usio, što pieražyła Biełaruś: ad VKŁ, BSSR i da niezaležnaj Biełarusi, pavinna być kaštoŭna dla kožnaha z nas.
ŁDP abiacaje vystupać z hetaj pazicyi ŭ parłamiencie, u kožnaj z pałat jakoj u partyi jość svoj deputat, i na nastupnych vybarach prezidenta.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)