Kazulin: Ja prymaju vyzvaleńnie jak znak spraviadlivaści, ale nie mahu pryniać pamiłavańnie z maralnaha hledzišča
Da sierady Alaksandar Kazulin abmiežavaŭ svaje kantakty z žurnalistami. U paniadziełak ža pres-słužba palityka raspaŭsiudziła pres-reliz, dzie były rektar BDU pralivaje śviatło na niekatoryja momanty vyzvaleńnia z turmy, a taksama vykazvajecca adnosna sytuacyi ŭ krainie.
Da sierady Alaksandar Kazulin abmiežavaŭ svaje kantakty z žurnalistami. U paniadziełak ža pres-słužba palityka raspaŭsiudziła pres-reliz, dzie były rektar BDU pralivaje śviatło na niekatoryja momanty vyzvaleńnia z turmy, a taksama vykazvajecca adnosna sytuacyi ŭ krainie.
«Ja prymaju vyzvaleńnie jak znak spraviadlivaści, ale nie mahu pryniać pamiłavańnie z maralnaha aspektu — ja nie ździajśniaŭ kryminalnych parušeńniaŭ. Padobnaja matyvacyja prynižalnaja dla mianie. Tolki majo biezumoŭnaje vyzvaleńnie i reabilitacyja, a taksama vyzvaleńnie Andreja Kima i Siarhieja Parsiukieviča moža razhladacca jak sapraŭdy realny krok da demakratyzacyi hramadztva», — adznačaje były palitviazień.
Kazulin spadziajecca, što bližejšym časam na voli apynucca i dva astatnich palitviaźni — Kim i Parsiukievič. I na hetym moža być «pastaŭlenaja kropka na instytucie palitźniavolenych u Biełarusi». Palityk vykazvaje padziaku ŭsim tym, chto ŭvieś hety čas zmahaŭsia za jahonaje vyzvaleńnie.
Nahadajem, što na volu Kazulin vyjšaŭ na volu 16 žniŭnia. Ukaz ab pamiłavańni byłoha kandydata na pasadu prezydenta padpisaŭ A.Łukašenka. U turmie Kazulin znachodziŭsia ad 25 sakavika 2006 hodu, rašeńniem sudu jon byŭ pakarany na 5 hadoŭ i 6 miesiacaŭ źniavoleńnia za praviadzieńnie masavaj akcyi ŭ Miensku.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary