Trahiedyjaj skončylisia skoki z kacielni ŭ Minskim rajonie dla 27 hadovaha chłopca, jaki niadzielaj 18 červienia baviŭ čas u kampanii džampieraŭ.
Džampiery — heta takija ludzi, jakija arhanizujuć skoki z vysokich abjektaŭ (masty, viežy, kacielni) i biaruć za heta hrošy. Achvotnych ekstremalna pravieści čas niamała.
Arhanizacyjaj trahičnaha skačka zajmałasia badaj samaja viadomaja ŭ krainie džampierskaja tusoŭka, jany nazyvajucca RJ Crank Team.
Jak nam stała viadoma, zatrymany pa padazreńni ŭ chałatnaści — lidar Crank Team, jaho kličuć Alaksiej.
Alaksiej N., zatrymany pa padazreńni ŭ pryčynieńni śmierci pa nieaściarožnaści. Fota sa staronki UKantakcie
Možna skazać, hety chłopiec staŭ pačynalnikam džampierskaha ruchu ŭ Biełarusi — jon pačaŭ zajmacca skokami ŭ 2011 hodzie.
«Na ich usie raŭnialisia. Zaŭsiody ŭsio ŭ ich ładna zroblena, biaśpiečna… Na ŭzroŭni, jak kažuć. Pierad tym, jak skačuć ludzi, zaŭsiody chtości ź instruktaraŭ skača raz ci nielkalki razoŭ, kab i pravieryć usio, i ludziej supakoić. Stolki hadoŭ heta ŭžo robicca!.. Ałharytm daviedzieny da aŭtamatyzmu, tamu situacyja vielmi dziŭnaja. Śledstva pakaža», — apisaŭ nam Crank Team chłopiec ź inšaj padobnaj kamandy.
Aproč Alaksieja, u kamandzie arhanizataraŭ jašče dva chłopcy.
70-miatrovaja vieža ŭ Minskim rajonie
Inšy čałaviek, jaki ŭžo skakaŭ ź viežy, dzie adbyłasia trahiedyja, taksama skazaŭ, što pierad skačkami arhanizatary praviarali abstalavańnie i sistemu na sabie.
Ale jon udakładniŭ, što ŭ instruktažy prysutničaje taki punkt — treba być rassłablenym i nie čapać strachoŭku rukami.
Maŭlaŭ, kali čałaviek pačynaje chapacca za trosy ŭ momant padzieńnia, heta niejak niadobra ŭpłyvaje na miechaniku skoka, i pra heta ekstremałaŭ-navičkoŭ papiaredžvajuć.
Z pradstaŭnikom kamandy Crank Team my źviazalisia, ale toj zrabiŭ vyhlad, što my pamylilisia numaram.
Supołku kamandy UKantakcie taksama, darečy, zakryli i vydalili niekatoryja fota.
Voś, darečy, videa ŭdałaha skoku z toj samaj viežy, dzie raźbiŭsia čałaviek.
