Pra film «Ciomny rycar», jaki jdzie ŭ mienskich kinateatrach, piša ŭ svaim błohu Andrej Rasinski.
Apošnija pryhody Betmena – heta ŭžo nia komiks. Heta
vytvorčy “sacrealistyčny” film pra ciažkija budni kryminalnaha vyšuku, ekanamičnyja hiešefty mižnarodnaj mafii i palityčnyja intryhi.Supermen-kažan nia stolki zmahajecca, kolki stomlena ŭdzielničaje ŭ pieraśledzie – i zaŭždy spaźniajecca.
Komiksavyja persanažy nabyli płoć realnych ludziej, paabrastali sacyjalnymi suviaziami, prydbali novyja imidžy – i stali razhublenymi hierojami depresiŭnaha hanhsterskaha kino.
Z realistyčnych kanonaŭ vybivajecca hałoŭny admoŭny persanaž – Džokier. U pieradśmiarotnym vykanańni Hita Łedžera. Hrateskna-vuścišny, brydki i kanvulsiŭny błazan.
Heta hieroj navinaŭ i teraryst, jaki praz TV prychodzić da kožnaha ŭ dom.Papiarednikam Łedžera ŭ roli Džokiera byŭ Džek Nikałsan u filmie 20-hadovaj daŭniny. Ale sučasny Džokier – dakumentalna-vuścišny.
Zmročny realizm novaha Betmena vyklikaŭ niečuvany entuzijazm mižnarodnaj aŭdytoryi. Na najbujniešym kinasajcie stužka zaniała treciaje miesca pa papularnaści.
Ale kolišni fantazijny Betmen Cima Biortana byŭ kudy śviatlejšy – i kudy praŭdziviejšy.
Ciomny rycar (The Dark Knight)
ZŠA, 2008, kalarovy, 152 chv.
Režyser: Krystafer Nołan
Roli vykonvajuć: Kryścijan Bejł, Hit Łedžer, Aaron Ekchart, Majkł Kiejn, Hary Ołdmen, Morhan Frymen, Mehi Džylenhał
Žanr: Komiks-bajavik, hanhsterskaja drama
Adznaka: 6 (z 10)
