Viečaram 24 červienia ŭ Minsku prajšła repietycyja paradu 3 Lipienia. Padčas prajezdu pa praśpiekcie Niezaležnaści da miesca praviadzieńnia parada adzin z tankaŭ kala mietro «Maskoŭskaja» ŭrezaŭsia ŭ słup.
Adzin ź ludziej na vulicy vypadkova źniaŭ momant avaryi. Tank zaniesła, raźviarnuła i ŭdaryła ŭ lichtarniu. Tankist, što siadzieŭ u luku, možna skazać, naradziŭsia ŭ kašuli:
Ščaście, što pobač nie było ludziej i nichto nie zahinuŭ.
Tanki ruchalisia centralnym praśpiektam stalicy na davoli vialikaj chutkaści i na značnaj adlehłaści adzin ad adnaho.
Mahčyma, tankist praźmierna razahnaŭsia, a paśla skinuŭ haz. I heta, mahčyma, adbyłosia na kavałku darohi, na jakim adna husienica trapiła ŭ vadu, a druhaja — na suchoje miesca. Adnak usio heta tolki mierkavańnie, kančatkovy vierdykt vyniesie aŭtainśpiekcyja.
Na miescy zdareńnia pracavała DAI.
Sama hienieralnaja repietycyja parada pačałasia a 22.00, tamu pa maršrucie praśpiekt Mašerava — vulica Cimirazieva — vulica Sapioraŭ — praśpiekt Pieramožcaŭ — vulica Arłoŭskaja — płošča Banhałor — vulica Surhanava — praśpiekt Niezaležnaści — praśpiekt Mašerava ruch byŭ abmiežavany.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary