Fihurantam rasśledavańnia FIFA pa padazreńni va ŭžyvańni dopinhu stała zbornaja Rasii pa futbole 2014 hoda ŭ poŭnym składzie, piša The Mail On Sunday. Usiaho, pa infarmacyi vydańnia, rasśledavańnie pravodzicca ŭ dačynieńni da 23 futbalistaŭ z zbornaj 2014 hoda, i jašče 11 prafiesijnych rasijskich hulcoŭ, jakija nie ŭdzielničali ŭ ČS-2014.
U rasparadžeńni funkcyjanieraŭ FIFA, raspaviała krynica vydańnia, majucca padrabiaznyja daśje na futbalistaŭ. Tym nie mienš jakija-niebudź peŭnych dadzienych ab parušeńniach vydańnie nie pryvodzić. Na dumku haziety, hetaja historyja «stavić dadatkovyja pytańni ab zdolnaści Rasii da praviadzieńnia čempijanatu śvietu u 2018 hodzie», bo ŭpieršyniu ŭ historyi pad padazreńniem znachodzicca cełaja kamanda, da taho ž nacyjanalnaja zbornaja.
Pres-sakratar FIFA paćvierdziŭ vydańniu, što rasśledavańnie praciahvajecca. Nijakaj padrabiaznaj infarmacyi mahčymych nastupstvach rasśledavańnia, roŭna jak i inšych dadzienych ab im, vydańnie nie pryvodzić.
U zbornaj Rasii, jakaja vystupała na Kubku kanfiederacyj, było piać hulcoŭ, jakija ŭdzielničali ŭ zbornaj 2014 hoda: Dzianis Hłušakoŭ, Alaksandr Samiedaŭ, Ihar Akinfiejeŭ, Juryj Žyrkoŭ i Maksim Kanuńnikaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary