«42 tony na takoj chutkaści — hetak tank moh i dom źnieści» — Alesin

«Heta moža być techničnaja niepaładka, prykładam, bakavy frykcyjon zajeła, — kaža Alesin u kamentary Svabodzie. — A tank T-72 davoli ciažki ŭ kiravańni, jon patrabuje realnaj fizyčnaj siły ad kiroŭcy. Usio ž 42 tony, na takoj chutkaści moh i dom źnieści. Na paradach ci padčas prachodu vajskovaj techniki na maneŭrach takoje byvała, što ŭ damy zajaždžali, asabliva pry pavarocie. Jašče vidać, što pakryćcio mokraje, a chutkaść vialikaja, voś i nie ŭličyŭ.

Jakoje moža być pakarańnie tankistu? Miarkuju, buduć raźbiracca, i kali vyjavicca, što adbyłasia techničnaja pałomka, dyk vialikaha spahnańnia nia budzie.

Ale reč nia tolki ŭ tankistu. Čamu takaja chutkaść? Čaho imčaŭsia? Viedaju, što dla takich repetycyjaŭ składajecca vielmi ščylny hrafik, usio pa chvilinach raśpisana. Mahčyma, ź niejkaj pryčyny voś mienavita hety tank dy toj, što byŭ za im, adstali ad kalony. Potym sprabavali dahnać — voś i vynik.

A heta značyć, što praličylisia arhanizatary, mahčyma, treba na takija rečy advodzić bolš času, uličvać, što niechta moža źbicca z hrafiku, i kab potym jon nie lacieŭ pa vulicy, nie dahaniaŭ.

Jašče važny momant — što minaki na chodnikach nijak nie papiaredžanyja, što dostup da darohi adkryty. Mahčyma, treba niejak aharodžvać, moža, vajskovuju aŭtainspekcyju dałučać, kab ichnyja mašyny stajali ŭzdoŭž vulicy, kali idzie technika. Pamiatajecie, paru hadoŭ tamu na repetycyi ŭžo byŭ incydent z vajskovaj technikaj, kala płoščy Banhalor heta było? Zadymiŭsia. Takoje mahčyma, što niešta łamajecca, ale treba rabić vysnovy».

Na prośbu prakamentavać prapanovu ŭvohule admovicca ad vajskovych paradaŭ ekspert skazaŭ:

«Viedajecie, u Biełarusi parady — adzinaja mahčymaść dakazać usim, što vojska ŭ nas jość. Vajskoŭcy siadziać u harnizonach, pa kazarmach, technika ŭ anharach — i ŭ ludziej uražańnie, što armii nibyta niama. I tady ŭźnikaje pačućcio: a chto ž nas abaraniaje? Voś jany hetak, praz «pramoŭšn» i dakazvajuć, što nie darma chleb jaduć. I, miarkuju, lepš voś takimi infarmacyjna-prapahandysckimi akcyjami, umoŭna vajavać, čym pa-sapraŭdnamu. A toje, što parady bolšaści našych hramadzianaŭ padabajucca i što na heta źviartajuć uvahu inšaziemcy, mahu zaśviedčyć. Viedaju, što na parad 3 lipienia vajskovy ataše Japonii admysłova ŭ Miensk pryjedzie, francuski ataše budzie — značyć, cikaviacca, jość na što pahladzieć. Tamu miarkuju, što parady svaju pracu robiać»

• 0
• 0
• 0
• 0
• 0
• 0
• 0
• 0