Alaksandr Łukašenka 29-30 červienia zrobić rabočy vizit u Rasijskuju Fiederacyju, dzie prymie ŭdzieł u pasiadžeńni Vyšejšaha dziaržaŭnaha savieta (VDS) Sajuznaj dziaržavy i čaćviortym Forumie rehijonaŭ Biełarusi i Rasii, paviedamlaje pres-słužba kiraŭnika dziaržavy.
Na pasiadžeńni VDS płanujecca abmierkavać važniejšyja pytańni biełaruska-rasijskaha ŭzajemadziejańnia. Adnoj z centralnych tem paradku dnia źjaŭlajucca vyniki handlova-ekanamičnaha supracoŭnictva Biełarusi i Rasii za 2016 hod. Baki abmiarkujuć pytańni naroščvańnia supracoŭnictva ŭ mašynabudaŭničym siektary i ahrapramysłovym kompleksie.
Čakajecca, što pierad pasiadžeńniem Vyšejšaha dziaržaŭnaha savieta adbudziecca sustreča Alaksandra Łukašenki z Uładzimiram Pucinym, na jakoj baki abmiarkujuć najbolš važnyja pytańni ŭzajemadziejańnia krain jak na dvuchbakovaj asnovie, tak i ŭ intehracyjnych farmatach, abmianiajucca dumkami pa tematycy mižnarodnaha paradku dnia.
Na 30 červienia taksama zapłanavany sumiesny ŭdzieł kiraŭnikoŭ dziaržaŭ u plenarnym pasiadžeńni čaćviortaha Forumu rehijonaŭ Biełarusi i Rasii na temu «Viektary intehracyjnaha raźvićcia rehijonaŭ Rasii i Biełarusi ŭ śfiery vysokich technałohij, inavacyj i infarmacyjnaha hramadstva».
