U čaćvier parłamient Litvy zaćvierdziŭ płan aptymizacyi sietki dziaržaŭnych univiersitetaŭ. U adpaviednaści ź im u krainie zastaniecca mienš za pałovu ź dziejučych 14 univiersitetaŭ.
Kansiervatar Jurhis Razma padkreśliŭ, što pastanova Siejma nie źjaŭlajecca zakonam, jana moža zastacca nieažyćcioŭlenaj.
Sojm pastanaviŭ, što ŭ Vilni i Kaŭnasie moža być pa adnamu kłasičnamu ŭniviersitetu z šyrokim achopam daśledavańniaŭ. U pastanovie havorycca, što ŭ hetych haradach taksama mohuć dziejničać profilnyja technałahičny, mastacki ŭniviersitety, univiersitet navuk ab zdaroŭi.
Prapanujecca taksama zachavać u Kłajpiedzie i Šaŭlai centry ŭniviersiteckaj navuki, jakija stanuć padraździaleńniami druhich univiersitetaŭ.