Kanada z entuzijazmam adznačyła 150-hodździe niezaležnaści. Na ŭračystaści ŭ stalicu, Atavu, prybyŭ prync Čarłz z žonkaj. Uvahu da Kanady apošnim časam pryciahvaje charyzmatyčny i małady kiraŭnik krainy — libierał Džaścin Trudo. «My adkryvajemsia, kali inšyja zakryvajucca», — skazaŭ jon na paradzie. A ŭ najbolšym horadzie Kanady, Taronta, śviata adznačyli šeście narodaŭ i etnasaŭ, jakija žyvuć u krainie. Vialikaj kałonaj u im udzielničała i biełaruskaja dyjaspara — z busłami.
«Takoha ''vychadu'' biełaruskaja supołka ŭ Taronta, peŭna, nia viedała z časoŭ znakamitych ''paradaŭ paniavolenych narodaŭ'' i ''karavanaŭ'' pieršaj chvali jašče pavajennaj dyjaspary minułaha stahodździa», — napisała ŭ fejsbuku aktyvistka biełaruskaj dyjaspary ŭ Kanadzie Iryna Varabiej.
