Rasijanin Viktar Ahiejeŭ, jaki trapiŭ u pałon u Łuhanskaj vobłaści na ŭschodzie Ukrainy, raspavioŭ u intervju ŭkrainskamu telekanału TSN, što jon — rasijski vajskoviec. Ahiejeŭ skazaŭ, što ŭ sakaviku 2017 hoda jon padpisaŭ kantrakt u Rastoŭskaj vobłaści, i nazvaŭ numar svajoj vajskovaj čaści.
Pa słovach Ahiejeva, jon źjaŭlajecca vajennasłužačym vajskovaj čaści 65246, raźmieščanaj u Novačarkasku. U pieršym intervju paśla zatrymańnia jon zajaviŭ, što pryjechaŭ u Rastoŭskuju vobłaść u sakaviku 2017 hoda i padpisaŭ kantrakt, nie ŭdakładniŭšy detalaŭ.
Pieršaj ab zatrymańni Viktara Ahiejeva 27 červienia paviedamiła Ruskaja słužba Bi-bi-si sa spasyłkaj na surazmoŭcaŭ va ŭkrainskim ministerstvie abarony i kamandavańni 93-j asobnaj miechanizavanaj bryhady ŭzbrojenych sił Ukrainy.
Maci Viktara Ahiejeva, jaho siabry i byłyja kalehi paćvierdzili, što paśla terminovaj słužby toj zastaŭsia słužyć u vojsku pa kantrakcie, jaki padpisaŭ u sakaviku 2017 hoda. Numar vajskovaj častki - 65246 - nazyvali dvoje byłych tavaryšaŭ pa słužbie Ahiejeva.
Ministerstva abarony Rasii admaŭlała, što ŭ Łuhanskaj vobłaści byŭ uziaty ŭ pałon dziejny rasijski vajskoviec. U viedamstvie zajavili, što Ahiejeŭ byŭ zvolnieny ŭ zapas u mai minułaha hoda, a na kantraktnuju słužbu nie pastupaŭ.
U intervju TSN Ahiejeŭ raspavioŭ, što pryjechaŭ u Rastoŭskuju vobłaść u sakaviku 2017 hoda, prabyŭ u svajoj častcy čatyry dni, paśla čaho jaho pierapravili ŭ Łuhanskuju vobłaść Ukrainy. Ahiejeŭ dadaŭ, što ŭ jaho niama infarmacyi, ci pasyłali ŭ Danbas pa hetaj schiemie inšych vajskoŭcaŭ: «Ja dumaju, adpraŭlali. Moža być i adpraŭlali, ale nie maim rejsam».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary